Psykolog/psykologspesialist

Vi har ledig vikariat for psykolog/psykologspesialist i perioden 01.10.2026 - 31.07.2027.

Vi er ein spennande arbeidsplass, med engasjerte og kompetente medarbeidarar, og vi ønsker deg med på å bidra til utvikling av gode tenester. Du får eit variert arbeidsområde med faglege utfordringar. ReHabiliteringsklinikken utgreier og behandlar menneske med medfødde og erverva skadar, for å fremme betre funksjonsnivå, meistring og livskvalitet.

Hos oss samarbeider mange helseprofesjonar. Vi arbeider tverrfagleg med komplekse medisinske problemstillingar. Klinikken består av Avdeling for fysikalsk medisin og rehabilitering (AFMR), Habiliteringstenesta for vaksne (HAVO) og Regionalt kompetansesenter for habilitering og rehabilitering. Klinikken gir spesialiserte tilbod og tenester til personar med komplekse og samansette behov for utgreiing, vurdering og rehabilitering/habilitering i sjukehus. Tilbodet omfattar døgnbehandling, dagbehandling og poliklinikk. Vi har fleire regionale funksjonar og ein nasjonal funksjon, og er tyngdepunktet for spesialisert habilitering og rehabilitering for vaksne i Helse Vest. Vi samhandler tett med ulike einingar i spesialisthelstenesta inkludert psykisk helsevern, og førstelinjetenesta. 

Avdeling for fysikalsk medisin og rehabilitering held til på Nordås og gir tilbod til pasientar med erverva hjerneskade, multitraume, nevrologiske lidingar og skadar, kreft, brannskade, amputasjonar, funksjonelle nevrologiske lidingar, CFS/ME, muskel- og skjelettsplager m.a. Vi har for tida totalt 5 psykologar. 

Klinikken er i ein spennande utviklingsfase med mange pågåande og planlagde utviklings- og endringsprosessar, m.a. nybygg og samlokalisering på Nordås om 2-3 år.   

Arbeidsoppgåver

• Greie ut og behandle pasientar
• Psykolog inngår i tverrfagleg team rundt pasientar med ulike sjukdommar og livsutfordringar
• Rettleiing til pasient og evt pårørande
• Rettleie medarbeidarar og eksterne samarbeidspartar
• Pasientundervisning og dialog i grupper
• Fagutviklingsarbeid, vere med å forbetre pasienttilbod
• Rettleie spesialistkandidater dersom sjølv spesialist

Kvalifikasjonar

• Norsk autorisasjon som psykolog
• Erfaring med klinisk psykologarbeid
• Fordel om søkjar har erfaring med nemnde pasientgrupper og rehabilitering, gjerne starta spesialisering innan Klinisk Helsepsykologi
• Engasjert og motivert
• Kommuniserer og samarbeider godt med pasientar, pårørande og kollegaer
• God kommunikasjon på norsk, både munnleg og skriftleg

Personlege eigenskapar

• God på å skape trygge relasjonar
• Evne til å arbeide målretta
• Vilje til tenke nytt
• Vidareutvikle kompetansen din og bidra i fagutvikling 
• Bidra til brukarmedverknad og samvalg
• Vere med å skape godt arbeidsmiljø
• Handtere travle og akutte situasjonar
• Kunne arbeide med langsiktige planar og løysingar
• Kunne arbeide både sjølvstendig og i tverrfagleg samarbeid
• Personleg egnethet blir vektlagt 

Vi tilbyr

• Eit spennande tverrfagleg arbeidsmiljø, høg kvalitet og fokus på kontinuerleg forbetring
• Moglegheit for fagleg og personleg utvikling
• Lønn i samsvar med gjeldande overeinskomst
• Gode pensjons- og forsikringsordningar

 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Herborg Tegle, Seksjonsleiar, +47 468 94 607

Arbeidsstad

Nordåsgrenda 4
5235 Rådal

Nøkkelinformasjon:

Arbeidsgivar: Helse Bergen HF

Referansenr.: 5137894702
Stillingsprosent: 100%
Vikariat
Startdato: 01.10.2026
Sluttdato: 31.07.2027
Søknadsfrist: 15.06.2026