Sosial- og flyktningkonsulent

Ønskjer du å bruke engasjementet ditt til å gjere ein reell forskjell i kvardagen til andre?

Me ser etter deg som har eit sterkt engasjement for samfunnsoppdraget til NAV og som ønskjer ein meiningsfull jobb der du møter menneske i ulike livsfasar. 

Tysnes kommune skal i 2026 ta imot 20 flyktningar, og dette krev eit tett, målretta og fagleg godt arbeid med busetjing, integrering og sosial oppfølging.

Tysnes kommune har ledig ei fast stilling som flyktning- og sosialkonsulent ved NAV Tysnes, med tiltreding snarast. Me søkjer etter ein medarbeidar som kan arbeide med oppgåver knytt til flyktningssituasjonen, eller vikariere for kollegaer som vert omdisponerte til dette arbeidet. 

Arbeidsoppgåver

• Busetjing av flyktningar, herunder praktisk etablering i eigen bustad.
• Kartlegge brukar sine ressursar og trong for tenester og oppfølging.
• Utarbeide og følgje opp program i introduksjonsperioden.
• Samarbeide med andre kommunale og eksterne instansar.
• Sakshandsaming og rapportering til IMDI.
• Rettleie og motivere for sosial og økonomisk tryggleik, fremje overgang til arbeid, og hjelpe den enkelte til å vere sjølvhjelpen.
• Sakshandsaming og oppfølging etter Lov om sosiale tenester, med hovudvekt på økonomisk sosialhjelp, rusvernarbeid, gjeldsrådgjeving og økonomisk rettleiing.
• Koordineringsoppgåver knytt til IP.

NAV er i stadig utvikling, og andre arbeidsoppgåver kan bli aktuelle.

Kvalifikasjonar

Du må ha

• utdanning på bachelornivå, gjerne sosialfagleg. Relevant vidareutdanning eller mastergrad er ønskjeleg. 
• gode norskkunnskapar både munnleg og skriftleg.
• gode datakunnskapar.
• førarkort klasse B og disponera eigen bil.
   

Det er ønskjeleg at du

• har relevant erfaring frå arbeid i Nav og/eller likande arbeid med flyktningar, forvaltning og oppfølging av menneske.
• har god rettleiing- og relasjonskompetanse.
• har god økonomisk forståing. 

Personlege eigenskapar

Me ser etter deg som:

• er trygg i deg sjølv og taklar å møta menneske i krevjande livssituasjonar på en god måte.
• har evne til å arbeide godt både sjølvstendig og saman med andre.
• er tydeleg og løysingsorientert.
• har god omstillingsevne og handterer ein hektisk kvardag med mange og varierte arbeidsoppgåver.
• er fleksibel når det gjeld arbeidsoppgåver, arbeidstid og arbeidsstad.

Personlege eigenskapar vert tilagt stor vekt. 

Kvifor skal du jobba hos oss?

Hos oss får du ikkje berre ein jobb — du får ein arbeidsplass der du kan utvikle deg, bidra til noko som betyr noko, og vere ein del av eit lag som bryr seg.

Ved NAV Tysnes får du spennande og meiningsfylte arbeidsoppgåver innanfor eit særs viktig samfunnsoppdrag. Du blir del av eit godt arbeidsmiljø med dyktige og engasjerte medarbeidarar som samarbeider tett for å finne gode løysingar for menneske i ulike livssituasjonar.

Denne stillinga har fleksibel arbeidstidsordning, og som tilsett i Tysnes kommune får du medlemskap i KLP – Kommunal Landspensjonskasse, med svært gode pensjonsvilkår og moglegheit for gunstige bustadlån.

Stillinga er lønsplassert i kapittel 4 i det kommunale regulativet. Ansiennitetstrinna går her frå 0-16 år. Lønna blir justert årleg gjennom sentrale forhandlingar, og somme år blir det òg sett av ein pott til lokale justeringar.

I Tysnes kan du få mulighet for kr 25 000 i avskriving av studielånet ditt årleg fra 2026, når Ny ordning for distriktskommuner blir vedteke av Stortinget.

 Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsen. 
 

Mangfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.