Gitarlærar

Om stillinga

Samnanger kulturskule har ledig stilling for gitarlærar som også kan undervise i andre bandinstrument dersom det er naudsynt i 13,45 % fast stilling og 3,84 % mellombels stilling, totalt 17,29 % stilling med oppstart 01.08.26.

Det er ledig stilling knytt til faget musikk i Samnanger barneskule, og det kan vere mogeleg  å kombinere stilling i kulturskulen med stilling i barneskulen.

Arbeidsoppgåver

• Undervisning av elevar individuelt og/eller i gruppe i gitar, ukulele og andre bandinstrum
• Oppgåver som naturleg følgjer med som mellom anna framsyningar, konsertar, kontakt med foreldre, utviklingsarbeid i kulturskulen, personalmøte og planlegging.
• Ønska undervisningsdag er torsdagar

Kvalifikasjonar

Krav

• Minimum 3-årig relevant utdanning på universitets- eller høgskulenivå
• Ved tilsetting må det bli framvist gyldig politiattest

Ønskjer

• PPU
• Erfaring frå undervisning i kulturskule
• Erfaring med lyd- og lysteknisk kompetanse

Personlege eigenskapar

• Personleg eigenskapar blir vekta høgt
• God kommunikasjons- og relasjonskompetanse med både vaksne og born
• Gode samarbeidsevner
• Fleksibel og sjølvstendig

Me tilbyr

• Ein spanande jobb i ein kulturskule i utvikling
• Varierte og utfordrande  arbeidsoppgåver, eit godt arbeidsmiljø og stor fleksibilitet i å utvikle faget
• Mogelegheit til å bidra i prosessen med å utvikle kulturskulen mot visjonen "Skaping og meistring for alle"
• Godt samarbeid med skulekorpset og grunnskulen

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring
• Fleksible arbeidstidsordningar
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera godkjent av Direktoratet for høyere utdanning og kompetanse, HR-dir. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.

Om oss

Samnanger kulturskule er ein del av eining for kultur saman med kulturkontor, bibliotek, frivilligsentral og folkehelse.

Kulturskulen i Samnanger ble etablert i 1983 og har om lag 70-80 elevplassar. Kulturskulen tilbyr undervisning i faga musikk og teater, og skulen samarbeider særleg tett med Samnanger skulemusikklag som over fleire år har bygd opp eit stabilt og godt korpsmiljø. Kulturskulen samarbeider òg med dei to skulane, særskilt barneskulen, i tillegg til andre institusjonar og kulturaktørar.