Seljord Brannvesen - Ledig stilling som brannkonstabel – deltid 1,4 %

Vi har ledig 1,4 % stilling som brannkonstabel, deltidsansatt i VTBR avdeling Seljord Brannvesen.

Brannstasjonen ligg i Seljord sentrum og har 16 faste deltidsansatte mannskap. Arbeidet består av utrykning til akutte hendingar, samt øvingar/ trening knytt til dette.

Brannvesenet rykker mellom anna ut til redning av liv og verdiar, brannsløkking, røykdykking, trafikkulykker, andre ulykker / hendingar og avgrensing av akutt forureining.

Stillingsprosenten står for det faste timeantalet ein har kvart år, som er øvingane.

Alle som er tilsett ved stasjonen må ha bustad i Seljord sentrum krins, og kunne møte innan 5 minutt på dagtid og 7 minutt på natt. Det er ikkje fast vaktordning, men ein får godtgjersle og pliktar å møte opp ved alarm.

Kvalifikasjonar

Me ser etter deg som:

· Er fysisk og psykisk skikka til tenesta

· Vera helsemessig skikka til røykdykkar (fysisk test + helseattest)

· Har førarkort klasse B, (manuelt gir), og skal ha hatt dette uavbrote i minimum 2 år

· Er viljug til å gjennomføre naudsynt opplæring / kursing knytt til stillinga

· Må kunne leggje fram eigenerklæring om helse

· Før tilsetjing kan legge fram tilfredsstillande politiattest

· Har fast bustad i nærleiken av brannstasjon

· Jobbar i eller nær Seljord sentrum

· Har hovudarbeidsgjevars løyve til å delta på utrykking i arbeidstida. Aktuelle kandidatar må dokumentere dette.

I tillegg er det fordel at du har:

· Førarkort klasse C og kode 160

Personlege eigenskapar

Følgande eigenskapar vektleggjast:

Som brannkonstabel møter ein situasjonar det kan vera vanskeleg å førebu seg på. Det er spesielt å utgjera beredskapen for akutte hendingar i lokalmiljøet. Gjennom trening, øving og samhald skal du i størst mogleg grad bli rusta for denne type hendingar. Dine personlege eigenskapar ligg til grunn for korleis me forheld oss til andre menneskje, både internt i organisasjonen og eksternt ovanfor publikum.

Vi tilbyr

· Stilling tilsettast og lønnast som brannkonstabel deltid, etter gjeldande lovar og tariffavtaler

· Ordning med bæring av radioterminal for varsling ved utrykkingar

· Ein spanande jobb med moglegheit for utvikling

· Moderne bil og utstyrspark

· Brannstasjon utforma i følgje til dagens HMS krav

Om arbeidsgjevar

Vest-Telemark brann og redning IKS avdeling Seljord har ansvaret for brann og ulykkeberedskap i Seljord Kommune. Den som vert tilsett vil ha Seljord Kommune som arbeidsgjevar.

Antal stillingar: 1

Søknad på elektronisk søknadsskjema på: www.seljord.kommune.no