Jobbspesialist - spesialkonsulent 

Nordfjord psykiatrisenter, Seksjon dag har ledig 100% fast stilling som jobbspesialist. Oppstart snarast mogleg eller etter avtale. 

Helse Førde og NAV Nordfjord etablerte i 2016 samarbeidet "Jobbstøtte Nordfjord" som samarbeider etter IPS-metoden (Individuell jobbstøtte). IPS er ein metode for å bistå pasientar som ønskjer ordinært løna arbeid, slik at dei kan få behandling og arbeidsretta støtte samstundes. 

Målet med IPS er å bidra til at menneske med psykiske lidingar og/eller rusutfordringar får og beheld løna arbeid gjennom denne oppfølgingsmetoden. Brei internasjonal forskning viser at IPS gjev gode resultat når det gjeld ordinært arbeid for denne målgruppa.

IPS-teamet ved Nordfjord psykiatrisenter består av ein metoderettleiar og to jobbspesialistar.

Arbeidsoppgåver

• Individuelt tilpassa oppfølging av inntil 20 jobbsøkarar
• Identifisere jobbsøkjar sine interesser, sterke sider, ferdigheiter og evner
• Oppsøke verksemder, skape dialog med arbeidsgjevarar og bygge nettverk
• Følgje opp jobbkandidaten i arbeid hos arbeidsgjevar
• Arbeide tett og tverrfagleg med samarbeidspartar innan helse og NAV
• Dokumentere informasjon i relevante fagsystem 

Kvalifikasjonar

• Utdanning frå universitet eller høgskule. Relevant erfaring vil kompensere for kravet om utdanning
• Kjennskap til næringsliv og arbeidsmarknaden i regionen
• Fordel med erfaring frå rettleiingsarbeid, sal eller rekruttering, men erfaring frå alle typar bransjar tel positivt
• Gode munnlege og skriftlege kommunikasjonsferdigheiter
• Førarkort klasse B

Personlege eigenskapar

Vi ser etter deg som er:

• Har tru på at personar i målgruppa, på tross av psykiske helseutfordringar, kan få og halde på ein jobb
• God til å inspirere og motivere
• Likar oppsøkande og kontaktskapande arbeid ut mot arbeidsgjevarar
• Særs god på samarbeid
• Positiv, nysgjerrig og har stort pågangsmot
• Strukturert og sjølvstendig

Vi tilbyr

• Ein meiningsfull jobb der du direkte kan påverke resten av livet til andre menneske positivt
• Stort handlingsrom i arbeidskvardagen
• Engasjerte kollegaer som deler trua på at alle kan jobbe
• Spanande møter med arbeidssøkjarar og arbeidsgjevarar
• Konkrete mål du kan strekke deg etter og som du sjølv kan påverke
• Løn i samsvar med gjeldande overeinskomst (stillingsgr. 4), høgare løn kan vurderast for spesielt kvalifiserte søkjarar
• Gode pensjons- og forsikringsordningar
• Kurs, opplæring og rettleiing for jobbspesialistar
• Bil til disposisjon i arbeidstida
  

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Børre Taklo, Seksjonsleiar, (+47) 90736303 - 91314965

Arbeidssted

Sjukehusvegen 9
6770 Nordfjordeid

Nøkkelinformasjon:

Arbeidsgiver: Helse Førde

Referansenr.: 5082498205
Stillingsprosent: 100%
Fast
Søknadsfrist: 04.03.2026