Brenn du for organisasjonsbygging, og vil du bidra til å ruste SV for kommunevalkampen i 2027?

Vi har ledig eit vikariat som organisasjonsrådgjevar, og søkjer deg som som vil medverke til at SVs partiorganisasjon er godt skolert og rusta til kommunevalkampen 2027.

Ansvarsområde:

Overordna ansvar for drift av SVs skoleringstilbod, og for at det blir gjennomført løpande skolering av medlemmer, tillitsvalde og folkevalde i alle ledd av partiorganisasjonen fram mot kommunevalet 2027.

Sentrale oppgåver:

• Redaktør for SVs ressursbank for skolering og organisasjonsutvikling

• Koordineringsansvar for SVs skolering for tillitsvalgte

• Gjennomføringsansvar for deler av SVs nasjonale skoleringstilbud. I dette ligg også skolering av kapteinar til SVs dørbanksatsing

• Drift av SVs digitale kursportal

• Bistå fylkeslaga i deres skoleringsarbeid

• Digitalisering av ulike organisasjonshåndbøker

• Handtering av medlemsførespurnader og utsending av nyheitsbrev,

Du vil også bli sterkt delaktig i å planlegge og gjennomføre SVs organisasjonskonferanse i haust og landsmøte til våren.

Vi leiter etter deg som har:

• Solid organisasjonserfaring, og gjerne erfaring som tillitsvald på ulike organisasjonsnivå

• Pedagogisk kompetanse, og erfaring med å halde kurs

• Kjennskap til verktøy og metodar for digital læring

• Evne til å arbeide sjølvstendig og nøyaktig, og til planlegging, organisering og leiing

I tillegg legg vi vekt på at du er:

• Utadvendt og glad i samarbeid

• God til å kommunisere, både munnleg og skriftleg

• Personleg eigna til stillinga

• Bidreg aktivt og positivt til arbeidsmiljøet vårt

Hos oss får du:

• Eit godt og sosialt arbeidsmiljø

• Moglegheit for ein fleksibel arbeidsdag

• Moglegheit for å påverke og delta i spennande partiprosessar

Generelt om stillinga :

Eit vikariat i 100% stilling i perioden 1. juni 2026 til 30. september 2027.

Du må rekne med noko reiser og kvelds- og helgearbeid i samband med møter og arrangement. Fleksibel arbeidstid med gode moglegheiter for avspasering.

SVs partikontor arbeider for å fremje partiets politiske syn. Den som blir tilsett i stillinga må kunne tilslutte seg hovudtrekka i SV sitt politiske prosjekt og våre politiske program.

Det er eit personalpolitisk mål å oppnå ei balansert kjønnssamansetning, og å rekruttere medarbeidarar med minoritetsbakgrunn.

Om søknaden frå deg:

Alle søknader må sendast inn gjennom finn.no sin søknadsportal. Vi ber om at du lastar opp både søknadsbrev og CV her, men attestar og vitnemål blir først førespurt ved eit eventuelt intervju.