Vernepleiar med fagansvar i Miljøtenesta

Miljøtenesta har ledig ei 100 % fast stilling som vernepleiar med fagansvar i tiltak med døgnvakter og langvakter. Stillinga er todelt med 20 % administrativt arbeid og 80 % arbeid i turnus. Dei administrative oppgåvene inneber oppfølging av lovverk, utarbeiding av turnus og personalansvar. Hos oss blir du ein del av miljøtenesta i Fjaler kommune, her har vi tilsette med brei kompetanse med ulik utdanning og erfaring. Du vil jobbe tverrfagleg internt i kommunen, samarbeide med pårørande, spesialisthelsetenesta og andre eksterne instansar. 

Vi ser etter deg som er oppteken av miljøarbeid og ynskjer å bidra til at vi leverer tenester av høg kvalitet. Du har evne til å reflektere saman med andre, likar å finne løysingar på utfordringar, er god på relasjonsbygging og kommunikasjon. Vi vil legge til rette for at du skal få utvikle deg fagleg og nytte din kompetanse.  

Hos oss får du introduksjonsprogram for nytilsette, løn etter utdanning og erfaring og gode pensjons- og forsikringsordningar. 

Kvalifikasjonar: 

• autorisasjon som vernepleiar 
• anna relevant helsefagleg utdanning på bachelornivå med erfaring kan bli vurdert
• god norsk munnleg og skriftleg framstillingsevne 
• førarkort kl. B 
• den som vert tilsett må legge fram politiattest og godkjent MRSA- og tuberkuliattest før tiltreding 

Personlege eigenskapar: 

• god på kommunikasjon og samarbeid 
• du er engasjert, tek initiativ og har god gjennomføringsevne 
• strukturert, fleksibel og stor grad av sjølvstende 
• evne til å arbeide løysingsorientert i eit travelt miljø og samtidig ha eit godt humør 

Vi vektlegg at du er personleg eigna for stillinga. 

Vi håpar du tek kontakt eller sender oss ein søknad. Vi gler oss til å fortelje deg meir om korleis det er å vere ein del av tenesta vår. 

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.