Nav søker etter ny medarbeidar

Ønsker du å gjere ein forskjell i folk sine liv? Har du trua på at alle menneske som vil kan komme i arbeid? Trivast du med oppfølging, sakshandsaming og å finne gode løysingar i samhandling med menneske i krevjande situasjonar?  Då kan du vere den vi søker etter.  

Som rettleiar i Nav skal du følgje opp brukarar i tråd med Nav sitt samfunnsoppdrag. Nav skal betre levekåra for vanskelegstilte, bidra til sosial og økonomisk tryggleik, her under at den einskilde får høve til å leva og bu sjølvstendig, samt fremje overgang til arbeid, sosial inkludering og aktiv deltaking i samfunnet.

Nav Sunnfjord og Ytre Sogn er kommunane i  Sunnfjord, Høyanger, Fjaler og Hyllestad sitt felles Nav-kontor med om lag 60 tilsette.  Teamet du kan bli ein del av består av skikkeleg flinke og trivelege folk. Vi er organisert i fire avdelingar som arbeider på tvers av lokasjonane i Førde, Høyanger Dale og Hyllestad med eigen avdelingsleiar.  Vi har også tett samarbeid med Askvoll og Kinn, då vi er regionkontor for Sunnfjord regionen.

Vi søker etter rettleiar i avdeling for levekår

Dette er ei 100 % fast stilling som er ledig frå 01.01.2026.

Arbeidsstad er Høyanger (Arbeid ved andre lokasjonar må påreknast etter behov, eventuelt tilpassast for deler av stillinga etter nærmare avtale).

Arbeidsoppgåver:

• oppfølging av eigen portefølje etter nærmare avtale
• rettleie og motivere    
• kartlegge den enkelte sine ressursar og moglegheiter
• vurdere bruk av aktuelle tiltak og verkemiddel
• samhandling internt og med aktuelle samarbeidsinstansar
• sakshandsaming etter aktuelt lovverk, m.a sosialtenestelova
• bidra til fagutvikling i eiga avdeling og i kontoret

Kvalifikasjonar

Du må ha:

• minimum 3-årig utdanning frå høgskule eller universitet, gjerne innan sosialt arbeid, sosial og helsefag eller liknande.  Særleg relevant arbeidserfaring kan kompensere for utdanningskravet
• gode kommunikasjons- og formidlingsevner i norsk, skriftleg og munnleg
• god digital kompetanse

Det er ønskeleg at du har:

• erfaring med oppfølging, rettleiing og med å motivere menneske med ulike helsemessige og sosiale utfordringar
• erfaring med å koordinere tenester og arbeide heilskapleg
• erfaring med kjennskap til offentleg forvaltning, t.d. sosiale tenester eller arbeidsretta oppfølging
• førarkort klasse B

Personlege eigenskapar

Vi ser etter deg som:

• har gode relasjonsevner og samarbeider godt med andre
• har gode kommunikasjonsevner
• er engasjert, inkluderande og ønskjer å bidra til eit godt arbeidsmiljø
• trivast med å arbeide med motivasjons- og endringsarbeid med menneske og verdset brukarmedverknad
• likar å arbeide sjølvstendig og klarar å prioritere i ein hektisk kvardag  

Personlege eigenskapar vil bli vektlagt.

Vi tilbyr

• meiningsfulle og utfordrande arbeidsoppgåver
• engasjerte og dyktige kollegaer, som brenn for å hjelpe menneske
• store moglegheiter for å påverke eigen arbeidskvardag
• store moglegheiter for fagleg og personleg utvikling
• fleksibel arbeidstid og høve til trening i arbeidstida
• kompetansetillegg for relevant vidareutdanning

Du søker elektronisk.

Velkomen som søkar, vi ser fram til å høyre frå deg.