Stranda skule

Om avdelinga:

Stranda skule er ein barneskule på Steinsland sør i Øygarden kommune om lag 20 minuttar køyretur frå regionsenteret Straume. Stranda skule er ein nynorskskule. Skuleåret 2026-2027 vil skulen ha om lag 278 elevar og 40 tilsette.

Visjonen vår er «Trivsel, leik og læring - hand i hand mot framtida.» Vi er oppteken av at skulen skal vere eit inkluderande felleskap som fremjar helse, trivsel og læring for alle.

Vi søkjer no fleire trygge, kompetente og relasjonssterke medarbeidar som ønskjer å bidra til eit inkluderande og utviklande læringsmiljø for elevar i ulike aldersgrupper. Stillingane omfattar arbeid i SFO og ferie-SFO. Det er mogleg å utvide stilling til å omfatte arbeid i skule og.

Arbeidsoppgåver:

• Aktiv deltaking i SFO og ferie-SFO, med ansvar for aktivitetar, omsorg og dagleg oppfølging
• Støtte til elevar med særskilte behov, inkludert ADL-oppgåver. Oppgåver knytt til dagleg stell og omsorg kan vere ein del av arbeidet
• Bidra til trygge og inkluderandre læringsmiljø i samarbeid med pedagogar og andre fagpersonar
• Oppfølging av elevar med særskilte behov, inkludert struktur, sosial trening og praktiske oppgåver i SFO
• Utviklingsarbeid i SFO knytt til rammeplanen for SFO
• Samarbeid med føresette og eksterne instanser ved behov
• Bidra til gode rutinar, dokumentasjon og heilskapleg elevoppfølging

Kvalifikasjonar:

• Fagbrev som barne- og ungdomsarbeidar, søkjarar med anna relevant fagbrev som helsefagarbeidar, kan bli vurdert
• Relevant erfaring frå arbeid med barn og unge som har behov for heilskapleg tilrettelegging
• God forståing for arbeid med tilrettelegging og særskilte behov
• Gode norskkunnskapar både munnleg og skriftleg

• Erfaring med ulike diagnosar som autisme og psykisk utviklingshemming
• Erfaring med teikn til tale. Opplæring ved behov.
• Førarkort klasse B
• Livredningskompetanse i basseng. Opplæring ved behov
• God kjennskap til førebyggjande arbeid i skulen

• Relasjonskompetanse og evne til å skape tryggleik
• Tydeleg, varm og strukturert i møte med elevar
• Evne til å jobbe sjølvstendig og i team
• Løysingsorientert, fleksibel og trygg i ein variert kvardag
• God evne til å skape ro, oversikt og forutsigbarhet
• Personleg eignaheit vil bli vektlagt

Anna:

• Stillinga er ei mellombels stilling, gjeldane frå 01.08.2026 til 31.07.2027
• Stillinga gjeld og ferie-SFO ved Stranda skule

Dei formelle krava til utdanning og erfaring må dokumenterast med vitnemål og attestar. Dokumentasjon skal lastast opp i søkjarportalen innan søknadsfrist.

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling

Kontakt:

            Tlf: 94821970

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.