Ingeniør

Vi søker ingeniør til 100 % fast stilling ved Eining for behandlingshjelpemiddel (BHM), Seksjon for logistikk og verkstad.

Eining for behandlingshjelpemiddel (BHM) høyrer inn under Medisinsk‑teknisk avdeling og er organisert i to seksjonar: Seksjon for kliniske fag og Seksjon for logistikk og verkstad. Eininga har totalt 37 tilsette, og tilsettgruppa omfattar sjukepleiarar, merkantilt personell, ingeniørar, lagermedarbeidarar, sjåførar, assistentar og stab. Vi arbeider saman for å finne gode løysingar for pasientane våre og for å sikre ei effektiv drift. Det er tett dialog mellom dei tilsette, og dei støttar kvarandre i dei ulike arbeidsoppgåvene gjennom dagen.

Seksjon for logistikk og verkstad har ansvar for logistikktenester og teknisk oppfølging av medisinsk utstyr til heimebuande pasientar. På verkstaden har ingeniørane ansvar for forvaltning av alt medisinsk utstyr, og dei må forhalde seg til gjeldande lover og regelverk for handtering av medisinsk‑teknisk utstyr. Heimebehandling er i utvikling, og stadig ny teknologi og nye avtalar om medisinsk utstyr fører til høge krav om at du held deg fagleg oppdatert, gjennomfører nødvendige servicekurs og raskt tileignar deg ny kunnskap. BHM handterer medisinsk utstyr innan fagområda diabetes, respirasjon og ernæring, og det er viktig at du har evne til å bli kjent med og handtere alle utstyrsgruppene. Stillinga som ingeniør ved BHM inneber dagleg kontakt med pasientar, samt dokumentasjonsarbeid og teknisk arbeid med utstyr. Ingeniørane samarbeider tett med både klinisk, merkantilt og logistikkfagleg personell, og gode kommunikasjons- og samarbeidsevner er difor eit krav.

Arbeidsoppgåvene krev gode datakunnskapar, då vi nyttar ei rekke ulike datasystem. Du må kunne tileigne deg nødvendig kompetanse i dei systema vi brukar. Arbeidsdagen er prega av høgt tempo, og vi treng deg som arbeider effektivt og har god omstillingsevne. Ved behov må ingeniørane reise på heimebesøk til pasientar for å bistå med feilsøking og utskifting av defekt utstyr. Det er difor krav om førarkort klasse B. Noko reiseverksemd må òg påreknast i samband med servicekurs hos leverandørar.

Fokuset på heimebehandling er aukande, og tenesta vår mot heimebuande pasientar er i rask utvikling. Dette er difor ei moglegheit til å arbeide innan eit spanande og vekstkraftig fagområde.

Her kan lese meir om oss 

Arbeidsoppgåver omfattar mellom anna

• Forvaltning av medisinsk-teknisk utstyr
• Gjennomføring av service på utstyr, både planlagt vedlikehald og akutt service
• Bistå pasientar, pårørande og medisinsk personell med feilsøking/ombytte på utstyr
• Resirkulering av medisinsk utstyr
• Bistand på skyllerom med sortering av utstyr, returhandtering og klargjering/etterarbeid i samband med desinfeksjon av utstyr
• Reklamasjonshandtering av defekt utstyr og enkelte forbruksartiklar
• Bruk av ulike datasystem, mellom anna Medusa, Kjørotek, SAP/Libra og Microsoft 365
• Administrativt arbeid, mellom anna dokumentering i journalsystem
• Bestilling og mottak av reservedelar og varer til verkstad
• Samarbeid og samhandling med kollegaer og faggrupper internt i eininga, pasientar, personale ved klinikkar/avdelingar ved Haukeland universitetssjukehus, leverandørar og andre aktuelle samarbeidspartnarar
• Gjennomføring av servicekurs og fagleg oppdatering

Kvalifikasjonar

• Bachelorgrad innan relevante ingeniørfag, eller relevant teknisk fagbrev
• Gode ferdigheiter i norsk, både munnleg og skriftleg
• Gode kommunikasjons- og samarbeidsevner
• Erfaring med medisinsk-teknisk utstyr er ein fordel
• Erfaring frå arbeid med mennesker
• Gode datakunnskapar 
• Førarkort klasse B

Personlege eigenskapar

• Kan arbeida godt både sjølvstendig og i team
• Har motivasjon og interesse for å levere ei god teneste til våre pasientar 
• Er serviceinnstilt og har eit godt lag med menneske
• Er ærleg, punktleg og påliteleg 
• Ser kva som må gjerast, og tilbyr hjelp der det trengst 
• Er god på å tileigne deg ny kunnskap
• Arbeider strukturert og effektivt og evnar å prioritera i ein travel arbeidskvardag 
• Tilpassar deg lett, er fleksibel og løysingsorientert
• Held deg roleg og kontrollert i stressande situasjonar, og arbeider stabilt under press
• Trivst med å arbeide i eit tverrfagleg miljø og meistrar høgt tempo
• Er positiv, har godt humør og medverkar til eit godt arbeidsmiljø
  
  

Vi tilbyr

• Ei spennande og utfordrande stilling
• Meiningsfullt arbeid med pasientkontakt
• Løn i samsvar med gjeldande tariffavtale
• Gode pensjons- og forsikringsordningar
• Eit aktivt og triveleg arbeidsmiljø med dyktige kollegaer
• Fleksitidsordning med kjernetid
• Arbeid på dagtid, måndag til fredag

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Malene Sævrøy Johannessen, Seksjonsleiar, 97183736

Arbeidsstad

Solheimsgaten 13
5058 Bergen

Nøkkelinformasjon:

Arbeidsgivar: Helse Bergen HF

Referansenr.: 5084304809
Stillingsprosent: 100%
Fast
Søknadsfrist: 09.03.2026