Jurist - HR-medarbeidar

Om stillinga

Ved HR-seksjonen i staben i Bufetat, region vest,  har vi ledig 100 % mellombels stilling som jurist/HR-medarbeidar.  Stillinga er ledig umiddelbart, og har varigheit på 1 år med moglegheit for forlenging. 

HR-seksjonen består for tida av åtte medarbeidarar med ulik bakgrunn og erfaring, som legg stor vekt på samarbeid og fagleg utvikling. Seksjonens leveransar er prega av høg kvalitet og mål om gode løysingar for organisasjonen. 

Delar av stillinga er knytt til sakshandsaming og rådgjeving av arbeidsrettsleg art, samt andre rettsområde som personvern og forvaltningsrett. I store delar av stillinga vil det og inngå arbeid med HR-seksjonens andre oppgåver, så som rekruttering, omstillingsprosessar, HMS, medbestemmelsesorgan, arbeidsmiljøutval, leiarutvikling og anna bistand til leiarar i enkeltsaker. Det krevst stor grad av fleksibilitet i høve til arbeidsoppgåver. Oppgåveløysinga vil vere både sjølvstendig og saman med seksjonens øvrige medarbeidarar. 

Noko reiseverksemd må påreknast.

Arbeidsoppgåver

• Arbeidsoppgåver knytt til arbeidsrettslege forhold. 
• Arbeidsoppgåver av forvaltningsrettsleg art.
• Arbeidsoppgåver knytt til personvernregelverket.
• Rekruttering.
• Andre arbeidsoppgåver knytt til HR-seksjonens ansvarsområde.
• Bistand til kollegaer og leiar.
• Rettleiing og bistand til leiarar.

For å være aktuell for stillinga må du ha:

• Juridisk embetseksamen eller master i rettsvitskap frå Noreg.
• God digital kompetanse og evne til å ta i bruk digitale system.
• God munnleg og skriftleg framstillingsevne.

Det er ein fordel om du har: 

• Erfaring frå arbeid med arbeidsrettslege problemstillingar eller HR-/personalarbeid.
• Kjennskap til offentleg sektor.
• 1 - 2 års erfaring fra saksbehandling.
• Erfaring frå undervisning eller rettleiing.

Personlege eigenskapar

Det vil bli lagt stor vekt på personlege eigenskapar, med særleg vekt på mellom anna at ein: 

• har høg arbeidskapasitet
• har evne til å ta ansvar for arbeidsoppgåver
• har høg grad av fleksibilitet i forhold til kva arbeidsoppgåver ein gjer
• kan nytta jussen på ein praktisk måte med godt skjønn
• evnar å balansere kvalitet og effektivitet
• har evna til å arbeide både overordna og detaljert 
• er sjølvgåande, men samstundes kan stille spørsmål når det trengs
• er løysingsorientert og positiv
• samarbeider godt med alle uavhengig av bakgrunn
• kan bidra positivt inn i arbeidsmiljøet 

Kva får du hos oss?

• Moglegheit til å lære meir om HR-/personalarbeid.
• Deltaking i eit åpent og uformelt arbeidsmiljø.
• Lønn ut frå statleg lønnsregulativ -  i stillingskode 1408 Førstekonsulent (med lønn frå kr 570 000 - kr 660 000), stillingskode 1434 Rådgjevar (med lønn frå kr 600 000 til kr 730 000 per år), eller stillingskode 1364 Seniorrådgjevar (med lønn frå kr 660 00 til kr 810 000 per år). Stillingskode og lønn vert vurdert etter utdanning og erfaring. 
• Medlemskap i Statens pensjonskasse med gode låne-, pensjons- og forsikringsordningar (http://spk.no). Frå lønna blir det trekt 2 % pensjonsinnskot.
• Fleksitid.
• Høve til noko bruk av heimekontor.
• Høve til trening i arbeidstida.

Opplysningar til deg som søkjar

• Vi søkjer etter dei beste hovuda uavhengig av kulturell bakgrunn, alder, hol i CV eller funksjonsevne, og oppmodar alle kvalifiserte kandidatar til å søkje jobb hos oss.
• Du kan be om å ikkje bli oppført på den offentlege søkjarlista. Dette må i så fall grunngivast. Vi kontaktar deg dersom ønsket ditt ikkje blir teke til følgje.
• Prøvetid etter statsansattelova.
• Opplever du tekniske utfordringar når du fyller ut søknaden, tilrår vi at du tek kontakt med teknisk support hos Grade Jobbnorge.

Kva skal søknaden din innehalde? 

For å bli vurdert som søkjar må du fylle ut felta for utdanning og arbeidserfaring, og leggje ved vitnemål og attestar med bekrefta stillingsstorleik. Vitnemål skal lastast opp frå Vitnemålsportalen. Har du utdanning frå utlandet må du leggje ved godkjenning frå Direktoratet for høgare utdanning og kompetanse.

Annan informasjon

Kontaktperson: seksjonsleiar Nils Christian Riise, telefon 95 86 85 38