Kvalitetsrådgjevar

Helse Møre og Romsdal HF står overfor betydelege omstillingsbehov knytt til demografisk utvikling, stramma økonomiske rammer, rekrutteringsutfordringar og aukande krav til kvalitet og pasienttryggleik. For å sikre berekraftige helsetenester også i framtida, er det nødvendig med systematisk kvalitets- og forbetringsarbeid som gir betre prioriteringar, meir effektiv ressursbruk og gode pasientforløp.

Klinikk Volda sjukehus søkjer ein engasjert og strukturert rådgjevar/kvalitetsrådgjevar som vil ha ei sentral rolle i å støtte leiarar og fagmiljø i arbeidet med kvalitet, pasienttryggleik og omstilling. Stillinga skal bidra til at forbetringsarbeid og endringsprosessar blir gjennomført på ein måte som styrkar både fagleg kvalitet og økonomisk berekraft. 

Stillinga er plassert i klinikkleiinga sin stab og inneber tett samarbeid med andre rådgjevarar, leiarar, fagpersonar og føretaket forøvrig. Kontorstad er på Volda sjukehus.

Det er ønskjeleg med snarleg oppstart. Er du rett kandidat, er vi fleksible med tanke på stillingsstorleik. 

Arbeidsoppgåver

• Koordinere og ta fagleg ansvar for heilskapleg kvalitets- og forbetringsarbeid i klinikken, med vekt på prioritering, pasienttryggleik og berekraftig ressursbruk
• Rådgje og støtte leiarar i kvalitets-, utviklings- og omstillingsarbeid, inkludert prosessleiing og bruk av forbetringsmetodikk
• Bidra til at kvalitets- og forbetringstiltak er kunnskapsbaserte og støttar opp under klinikken sine økonomiske og driftsmessige mål
• Oppfølging og analyse av avvik og uønskte hendingar, med fokus på læring, systemforbetring og førebygging
• Bistå i utvikling, implementering og vedlikehald av standardiserte pasientforløp og kliniske prosedyrar, med mål om betre flyt og ressursutnytting
• Rådgjeving og støtte til leiarar i prosjekt- og utviklingsarbeid
• Bidra til systematisk opplæring og kompetanseutvikling innan kvalitet, pasienttryggleik og forbetringsarbeid
• Deltaking i internrevisjonsarbeid og bistand ved eksterne revisjonar og tilsyn
• Saksbehandling og øvrige stabsoppgåver
• Vere pådrivar og superbrukar for digitale verktøy og applikasjonar som støttar kvalitets-, samhandlings- og forbetringsarbeid, til dømes Teams, Intranett, Helseplattformen og dei andre vektøya vi nyttar i det daglege

Kvalifikasjonar

• Helsefagleg utdanning frå høgskule eller universitet og/eller annan relevant utdanning frå høgskule eller universitet med tilleggskompetanse innan helserett
• Relevant vidareutdanning og / eller erfaring frå kvalitets- og forbetringsarbeid er ønskjeleg
• Erfaring frå helse- og omsorgssektoren vil vere ein fordel 
• Forståing av samanhengen mellom kvalitet, drift og økonomi
• Kjennskap til prosjektarbeid og prosessleiing 
  
• God digital kompetanse og teknologisk forståing
• God skriftleg og munnleg framstillingsevne på norsk

Personleg eigning vil bli særleg vektlagt.

Personlege eigenskapar

• Gode samarbeidsevner og evne til å byggje tillit på tvers av fagmiljø og leiernivå
• Engasjement for utviklings- og forbetringsarbeid
• Strukturert, sjølvstendig og løysingsorientert
• Evne til å sjå heilskap, prioritere og arbeide målretta i komplekse prosessar
• Motivasjon for nye utfordringar og utvikling i ei verksemd i omstilling

Vi tilbyr

• Ei sentral rolle i klinikken sitt arbeid med kvalitet, prioritering og berekraftig drift
• Eit sterkt og tverrfagleg fagmiljø
• Ein inkluderande og utviklingsorientert arbeidsplass
• Løn etter gjeldande overeinskomstar
• Medlemskap i offentleg pensjonsordning og gode forsikringsvilkår

Vi ber om at attester og vitnemål vert lasta opp som vedlegg til søknaden din.

Midt i det beste Norge kan by på av fjord og fjell finn du Volda. Opplev dei ville og vakre Sunnmørsalpane som byr på alt frå enkle ruter og oppmerka stiar i flate fjelldalar til utfordrande klatreturar og fantastiske toppturar. Vi byr også på eit særs blomstrande kultur- og idrettsliv og eit framoverlent høgskule miljø. Det er gode kommunikasjonar med flysamband til Bergen og Oslo frå Ørsta/Volda lufthamn. Sjå meir om Volda her.- Og her

Kontaktinformasjon

Siv Jensen, Konst. ass. klinikksjef, 91108049, siv.jensen@helse-mr.no

Arbeidsstad

Kløvertunvegen 1
6103 Volda

Nøkkelinformasjon:

Arbeidsgivar: Helse Møre og Romsdal HF

Referansenr.: 5067870627
Stillingsprosent: 100%
Fast
Startdato: 17.08.2026
Søknadsfrist: 13.07.2026