Hopp til innhold

Overlege i hud- og veneriske sjukdommar

Arbeidsgiver

Hudavdelinga, Helse Bergen HF

Sted

Haukelandsveien 22, 5021 Bergen

Om jobben

Stillingstittel
Overlege i hud og veneriske sjukdommar
Type ansettelse
Fast, heltid 100%
Antall stillinger
1
Arbeidsspråk
Norsk

Søk på jobben

Søk senest fredag 4. desember

Haukeland universitetssjukehus har ledig stilling som overlege i hud- og veneriske sjukdommar. Tenestestad er både Hudavdelinga på Haukelandsområdet og poliklinikken ved Helsehuset på Knarvik ut frå avdelinga sine behov.

Hudavdelinga driv dagpost og poliklinikk, inkludert poliklinikk for seksuelt overførte infeksjonar, og ein satelittpoliklinikk i Knarvik (Nordhordland). Sengeposten har 15 plassar delt med Revmatologisk avdeling. Avdelinga er regionavdeling for hudsjukdommar og universitetsklinikk i Helse Vest, og den einaste med døgnsenger. Avdelinga dekker heile spekteret av akutt og kronisk hud- og venerisk sjukdom, og er leiande innan fagområde når det gjeld pasientbehandling, grunn- og spesialistutdanning, samt forsking. Hudkreft og inflammatorisk hudsjukdom, særleg psoriasis, er hovudtema i forskinga. Vi arbeider aktivt med forbetring av pasientforløp og har brukarmedverknad som særleg fokus.

Avdelinga har eit breitt klinisk tilbod innan dermatologi og venerologi, mellom anna med høg aktivitet innan diagnostikk og behandling av hudkreft, inkludert oppfølging av pasientar i risikogrupper. Vi har eit aktivt tverrfagleg samarbeid og arbeider kontinuerleg med å utvikle pasientforløp, forsking og undervisning.

Vi ønsker å rekruttere ein kollega som vil vere med på å styrke og vidareutvikle feltet i åra som kjem.


Arbeidsoppgåver

  • Ut frå avdelinga sine behov må du rekne med å arbeide ved alle einingane til avdelinga (poliklinikkane ved HUS og Knarvik, SOI, dagposten, visittgang på vakt og som postoverlege)
  • I stillinga inngår vaktteneste p.t. 8-delt bakvaktsordning med heimevakt
  • Du vil vere delaktig i undervisning, supervisjon, etterutdanning og rettleiing av legar, studentar og andre personellgrupper
  • Du tar aktiv del i forbetring og utvikling av faget og avdelinga

Kvalifikasjonar

  • Den som blir tilsett må ha norsk autorisasjon og vere godkjend spesialist i hud- og veneriske sjukdommar
  • Vi ønsker oss:
    • Lege med brei medisinsk basiskunnskap
    • Lege med erfaring frå hudonkologi med deltaking i tverrfaglege behandlingsforløp og multidisiplinært samarbeid
    • Forskingskompetanse og interesse for vidare deltaking i forsking og undervising vil bli vektlagd
    • Lege med særskild vilje og lyst til arbeid med kronisk sjukdom, men òg akutte hudsjukdommar
    • God kommunikasjon skriftleg og munnleg på norsk

    Personlege eigenskapar

    • Du tar initiativ, med evne til strukturert og systematisk arbeid
    • Du tar personleg ansvar for at oppgåver blir gjort, tilbyr gjerne hjelp og deler raust av kompetansen din
    • Du har evne til tverrfagleg lagspel og inkluderande engasjement
    • Du er pådrivar i fagutvikling og engasjert i forsking
    • Du er lojal
    • Du bidrar positivt til eit fagleg og kollegialt godt miljø
    • Stor arbeidskapasitet, effektiv og fleksibel
    • Evne til å trivast i eit aktivt og endringsorientert miljø
    • Du har gode kommunikative evner
    • Du har gode IKT-kunnskapar

    Vi tilbyr

    • Eit stimulerande og aktivt tverrfagleg fagmiljø
    • Triveleg arbeidsmiljø
    • Moglegheit for deltaking i diverse prosjekt (forsking og kvalitetsforbetring)
    • Lønn i samsvar med gjeldande overeinskomst

     

    Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

    Kontaktinformasjon

    Ingeborg Bachmann, Avdelingsoverlege, ingeborg.bachmann@helse-bergen.no

    Arbeidsstad

    Haukelandsveien 22
    5021 BERGEN

    Nøkkelinformasjon:

    Arbeidsgivar: Helse Bergen HF

    Referansenr.: 5212869339
    Stillingsprosent: 100%
    Fast
    Søknadsfrist: 04.12.2026

    Kontaktperson for stillingen

    Ingeborg Bachmann

    Avdelingsoverlege

    ingeborg.bachmann@helse-bergen.no

    Om bedriften

    Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
    Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta. 

    Sektor

    Offentlig

    Del annonsen

    Annonsedata

    Rapporter annonse
    Stillingsnummer

    3bbf66a7-c885-4bdc-bdf2-50abb235e6c2

    Sist endret

    20. november 2026

    Hentet fra

    talentech

    Referanse

    9bcf4322404647ed8443eb17ccf35315

    Lignende annonser

    Laster lignende annonser