Sommarjobb/tilkallingsvikar - Dreisen KF

Om stillinga

Dreisen Vaksdal KF er ein arbeidsinkluderingsbedrift og tiltaksarrangør med tilrettelagde arbeidsplassar for personar som treng støtte for å koma i arbeid eller aktivitet. Føretaket har i dag 10 tiltaksplassar og 5 årsverk, og tilbyr arbeidsoppgåver innan ulike fagområde. Målet vårt er å skapa meistring, utvikling og arbeidsglede gjennom tilpassa opplæring og tett oppfølging. 

Vi er ein sentral samfunnsaktør i Vaksdal kommune, og arbeider etter verdiane våre: Meistring, utvikling og vekst. Drifta er sertifisert etter kvalitetsstandarden ISO 9001:2015, og vi er stolte av å levera tenester med høg fagleg kvalitet. Les meir om oss på www.dreisen.no 

Vil du ha ein meiningsfull jobb med varierte oppgåver, og bidra til ein god arbeidskvardag for andre? Dreisen Vaksdal KF søker no etter ferievikar for sommaren 2026, og tilkallingsvikarar.

Til sommaren har vi særleg behov for ferievikarar i veke 31 og 32, men også i veke 28 og 29. I tillegg søker vi tilkallingsvikarar som kan stilla opp ved behov. Vi ber om at du opplyser i søknaden om du søker som ferievikar eller tilkallingsvikar.

Aktuelle søkarar blir kontakta løpande!

Arbeidsoppgåver

Tilkallingsvikarar vil bli satt til ulike oppgåver som:

• Dagleg oppfølging, veiledning og tilrettelegging for ansatte med behov for tilpassa arbeid.
• Tilrettelegge og delta i  produksjon innan arbeidsområda våre ( m.a. vedproduksjon, catering, ordrepakking.)
• Sjå og løfte mennesker – med respekt, raushet og tydelighet
• Samarbeide med kollegaer og bidra til eit inkluderande arbeidsmiljø

Vi ser etter deg som

• Har erfaring med stell av grøntareal (plenklipper, kantklipper etc)
• Har førarkort kl B
• Er trygg og tydeleg i møte med menneske
• Er fleksibel, løsningsorientert og samarbeidsvillig
• Er over 18 år
• Har god framstillingsevne på norsk, både munnleg og skriftleg
• Personleg egnethet vil verte vektlagd
• Har godkjend politiattest

Dreisen KF kan tilby

• Faglege og personlege utviklingsmoglegheiter i eit inkluderande og inspirerande arbeidsmiljø 
• Moglegheit til å påverke og ta del i ei spanande vidareutvikling av føretaket 
• Eit meiningsfullt arbeid med samfunnsnyttige oppgåver 
• Gode pensjons- og forsikringsordningar 
• Løn etter avtale