Vi treng sjukepleiar. Bli med i eit godt fagmiljø og bidra til trygg omsorg for bebuarar og brukarar!

Om arbeidsstaden

Helse og velferd er ei eining med om lag 200 tilsette og blir leia av kommunalsjef. I denne eininga inngår pleie - og omsorgstenester, tildelingskontor, legetenesta, jordmortenesta, ergoterapi- og fysioterapitenesta, miljøarbeidertenesta, NAV, psykisk helse og rus, kreftomsorg og frivillig arbeid. Helse og velferd har som mål å fagleg legge til rette med tenester tilpassa den enkelte sitt behov, slik at kvar og ein skal ha eit trygt, meiningsfylt og innhaldsrikt liv.

Om stillinga

Stillinga er fast ved Austevoll pleie- og omsorgssenter/Heimetenesta ,med ein stillingsprosent mellom 80 og 100. Hovuddelen av arbeidet er på natt, men det er mogleg å kombinere med dag- eller kveldsvakter. Ei 100 % stilling utgjer 35,5 timar per veke, med turnus og arbeid kvar tredje helg.

Som sjukepleiar på natt får du ei viktig og sjølvstendig rolle med ansvar for observasjon, faglege vurderingar og oppfølging gjennom natta.

Austevoll kommune er i omstilling, og arbeids- og ansvarsområda kan difor bli endra.

Ansvar og arbeidsoppgåver

Du vil i hovudsak:
• utføre tilsyn, observasjon og faglege vurderingar av bebuarane gjennom natta
• handtere akutte situasjonar og endringar i helsetilstand på ein trygg og fagleg forsvarleg måte
• ivareta grunnleggjande pleie, smerte- og ubehagslindring, og bidra til ro og tryggleik for bebuarane
• utføre gjeldande sjukepleiarprosedyrar, som medisinhandtering, stell, prøvetaking m.m.
• dokumentere observasjonar, tiltak og hendingar i det elektroniske pasientjournalsystemet Profil
• samarbeide tett med kollegaer og andre faggrupper for å sikre gode og heilskaplege pasientforløp
• bidra til orden, klargjering og kvalitet i avdelinga før dagvakta tek over

Kvalifikasjonskrav

Formelle kvalifikasjonskrav:

• Off. godkjent sjukepleiar
• Gyldig politiattest
• Førarkort klasse B

Personlege eigenskapar:

Vi søkjer deg som:
• likar å arbeide med menneske
• kan jobbe sjølvstendig og strukturert
• er trygg, ansvarsbevisst og påliteleg
• er empatisk og god til å kommunisere
• er løysingsorientert og samarbeidsvillig
• held hovudet kaldt og er stabil i krevjande situasjonar
• bidreg aktivt til eit godt arbeidsmiljø
• har gode norsk kunnskapar, både munnleg og skriftleg

Vi tilbyr

• Ein trygg og fagleg sterk arbeidsplass med høg kvalitet i pasientbehandlinga
• God opplæring og tett oppfølging i starten
• Gode moglegheiter for fagleg utvikling, til dømes gjennom kurs
• Eit inkluderande og støttande arbeidsmiljø med brei tverrfagleg kompetanse
• Årsturnus der du får høve til å påverke eigen turnus
• Konkurransedyktig løn etter tariff, tillegg og gode pensjons- og forsikringsordningar
• Tilrettelegging for heiltid eller deltid etter behov (80-100 % stilling)
• Moderne og godt utstyrte arbeidslokale
• Bonusordningar for deg som går i turnus

Slik søker du på stillinga

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.