Rektor - Slåtthaug videregående skole

Er du ein leiar som tek vare på mangfaldet blant elevane og vil utvikle profesjonsfellesskapen i skulen? Vil du setje retning og bidra til å utvikle ein framtidsretta vidaregåande skule i Bergen sør?

Slåtthaug videregående skole har drygt 500 elevar og om lag 100 tilsette og tilbyr fire yrkesfaglege utdanningsprogram: helse- og oppvekstfag, bygg- og anleggsteknikk, elektro og datateknologi og teknologi- og industrifag. I tillegg har skulen påbygg til generell studiekompetanse (vg3 og vg4).
Skulen har som mål at alle skal få opplæring av god kvalitet på Slåtthaug vgs., anten dei er på veg mot læretida i eit yrkesfag, siktar mot studiekompetanse eller har eit anna mål.
Skulen ønsker at kvar og ein av elevane skal ha ei god og trygg tid på skulen, at dei skal få kjenne at dei utviklar seg, både fagleg og personleg. 
Det vil dei næraste åra bli gjennomført eit større rehabiliterings- og ombyggingsprosjekt på skulen.
 
Ved skulen er det ledig stilling som rektor frå 1. august 2026.

Vestland fylke har 41 videregåande skular. Rektor må ha evne og vilje til å vidareutvikle skulen og kvaliteten i opplæringa. Vi har som ambisjon og målsetjing at alle elevar som tar til i vidaregåande skule skal fullføra, og at alle som er kvalifisert for det skal få læreplass.

 

Arbeidsoppgåver

Vi ønskjer ein tydeleg og inkluderande rektor som vil setje retning, engasjere og samhandle for å utvikle eit framtidsretta skuletilbod og bidra til å oppfylle samfunnsoppdraget. Kompetent, open og modig er verdiane i Vestland fylkeskommune, og desse skal vere grunnlaget for all leiing.Utvikle skulen i samsvar med mål og visjon for skuleeigar

• Sikre eit trygt og godt skulemiljø og god medverknad frå elevane 
• Sikre eit godt arbeidsmiljø for dei tilsette, fagleg utvikling, god medverknad og kulturbygging 
• Vidareutvikle leiargruppa som eit samla og effektivt team 
• Leie strategi- og utviklingsprosessar 
• Leie skulen sitt pedagogiske utviklingsarbeid og kompetanseutvikling  
• Personalleiing  
• Utvikle samhandling med rettleiingstenesta  
• Ivareta medverknad mot arbeids- og næringsliv, samarbeidsorgan for lærebedrifter og andre samarbeidspartar 
• Økonomistyring 

Kvalifikasjonar

Den som vert tilsett må stette dei formelle krava i Opplæringslova § 17-2.
Leiing 
Skolen skal ha ei leiing som er fagleg, pedagogisk og administrativt forsvarleg. Ein skole skal leiast av ein rektor. Rektoren skal ha pedagogisk kompetanse, ta del i den daglege verksemda og arbeide med utviklinga av verksemda. Ein rektor kan leie fleire skolar. 

Det er ønskjeleg at du:  

• Set elevane si læring og deira utvikling i sentrum for skulen sitt arbeid.
• Har god kjennskap til vidaregåande opplæring.
• Har praksis frå utviklingsarbeid og god gjennomføringsevne.
• Markerer skulen som ein sentral utdanningsinstitusjon i lokalmiljøet og arbeider heilskapleg og forpliktande saman med lokalt arbeidsliv.
• Har gode leiareigenskapar, relevant leiarerfaring og gjerne leiarutdanning.
• Byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling.
• Opptrer tydeleg som arbeidsgivar og gjennomfører politiske og administrative vedtak.

Erfaring utanfor opplæringssektoren kan òg vektleggjast. 

Personlege eigenskapar

Din leiingspraksis er kjenneteikna av at du er:

• open, nytenkjande og byggjer relasjonar prega av tillit 
• har god kommunikasjonsevne og evne til å skape tryggleik i krevjande situasjonar  
• har gode samarbeidsevner og er samlande, sosial og inkluderande  
• har evne til å arbeide målretta, systematisk og løysingsfokusert 

Vi tilbyr

• givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse 
• ein raus organisasjonskultur der vi vil kvarandre vel, ser kvarandre og bidrar til fellesskapet 
• deltaking og fellesskap i rektorkollegiet og leiarutviklingsprogram 
• løn etter avtale
• fylkeskommunale tilsetjingsvilkår med gode pensjons- og forsikringsordningar 

Vestland fylkeskommune legg vekt på godt samarbeid, tett dialog og oppfølging mellom rektorane og direktør for opplæring og kompetanse. 

Tilsetting skjer på grunnlag av lov- og avtaleverk og føreset godkjent politiattest. 

Kontaktinformasjon

Øyvind Helland Oddekalv, områdeleiar, 91317450, oyvind.helland.oddekalv@vlfk.no

Arbeidsstad

Slåtthaugvegen 134
5222 Nesttun

Nøkkelinformasjon:

Arbeidsgivar: Vestland fylkeskommune

Referansenr.: 5110696161
Stillingsprosent: 100%
Fast
Søknadsfrist: 01.05.2026