Vil du drive Poden & Boden i Sogndal?

Vil du vere butikksjef, dagleg leiar eller kanskje eige heile butikken? Det er opp til deg! Det viktigaste for oss er å finne riktig person.

For å trivast i jobben må du vere strukturert, sjølvgåande og ha god gjennomføringsevne. Du må vere glad i å prate med folk og vere innstilt på å hjelpe kundane med stort og smått. Butikkerfaring kjem godt med i jobben, men er ingen krav.

Den viktigaste oppgåva er å sørge for at drifta går bra. At det er folk på jobb i opningstidene, at kundane er fornøgde og dei tilsette er fornøgde.

Poden & Boden er ein moderne gjenbruksbutikk som har som mål å gjere gjenbruk inspirerande og like tilgjengeleg som nytt. Vi er opptatt av å ha fine og ryddige lokale og å inspirere gjennom sosiale medium. Det er viktig at den nye drivaren ser verdien av dette. Ellers vil du har stor grad av friheit i stillinga, så lenge det er i tråd med verdiane våre. Grønt er skjønt, og så vidare <3

Poden & Boden er ei gründerbedrift i vekst og ting skjer fort. Vi ønsker ein drivar som kjem med eigne idear, finpussar rutinane og tek eigarskap til butikken.

Blei du gira? Skriv ein liten tekst eller videosnutt om deg sjølv og send til marie@podenogboden.no innan 7. juni.