Me har ledig stilling som nærings- og samfunnsutviklar!

-       Me har ledig stilling som nærings- og samfunnsutviklar!

Ulvik herad søkjer ein engasjert og utviklingsorientert medarbeidar som vil få ei sentral rolle i arbeidet med å styrkja lokalsamfunnet, næringslivet og reiselivet i kommunen. Me ser etter deg som brenn for samfunnsutvikling, trivst med samarbeid og ønskjer å gjera idear om til konkrete resultat.

Som nærings- og samfunnsutviklar vil du arbeida i skjæringspunktet mellom offentleg forvaltning, næringsliv og innbyggjarar. Du får ansvar for å initiera, koordinera og fylgja opp utviklingsprosjekt som bidreg til berekraftig vekst og attraktive lokalsamfunn.

• Vera kommunen sitt kontaktpunkt for næringsliv og etablerarar
• Leggja til rette for næringsutvikling og entreprenørskap. Reiselivet er ei godt etablert næring i Ulvik, og vil vera eit viktig arbeidsfelt.
• Utvikla og fylgja opp strategiar, planar og prosjekt innan næringsutvikling, reiseliv og samfunnsutvikling
• Samarbeida tett med lokalt næringsliv, destinasjonsselskap, regionale aktørar og offentlege myndigheiter
• Søkja om og forvalta tilskotsordningar og prosjektmidlar
• Utarbeida planar for næring- og samfunnsutvikling
• Initiera og bidra til tverrsektorielt samarbeid i heradet for å fremja utvikling
• Koordinera tiltak som styrkjer attraktive bumiljø, sentrumsutvikling og tilflytting
• Fylgja opp politiske vedtak og utarbeida saksframlegg til politisk handsaming
• Representera kommunen i regionale nettverk og samarbeidsforum
• Bidra til profilering og omdømebygging av Ulvik som bu-, besøks- og etableringsstad
• Overordna ansvar for Cittaslow og turistkontoret

• Relevant høgare utdanning innan nokre av desse fagområda: Samfunnsutvikling, næringsutvikling, økonomi og leiing, reiseliv eller tilsvarande
• Erfaring frå prosjektleiing, utviklingsarbeid eller offentleg forvaltning
• Erfaring med søknader om tilskotsmidlar og prosjektfinansiering
• God skriftleg og munnleg framstillingsevne på norsk og engelsk
• Har god forståing for samspelet mellom politikk, administrasjon og næringsliv
• Førarkort, klasse B

Me ser etter deg som:

• Er initiativrik og har gjennomføringsevne
• Er god til å byggja relasjonar og skapa samarbeid
• Arbeider sjølvstendig og strukturert
• Er utviklingsorientert og ser moglegheiter

Personlege eigenskapar vil verta vektlagde.

• Ei spennande og variert stilling med stor påverknad på utviklinga av kommunen
• Moglegheit til å arbeida med viktige samfunnsoppgåver og framtidsretta prosjekt
• Dyktige og engasjerte kollegaer
• Gode moglegheiter for fagleg utvikling
• Løn etter avtale og gode pensjons- og forsikringsordningar

Hos oss får du høve til å arbeida med både næringsutvikling, reiseliv og samfunnsutvikling i ein kommune med store moglegheiter, sterke tradisjonar og ambisjonar for framtida.