Ledig 100% fast stilling som rektor på Brakanes skule

Vil du vere med og løfte skulen vår?

Har du eit sterkt engasjement for barn og unge? Er du ein tydeleg og trygg leiar som skaper tillit, engasjement og retning? Brenn du for læring, inkludering og gode fellesskap?

Då kan du vere den nye rektoren vår!

Me har ambisjonar for skulen vår! Framover vil me særleg styrkje arbeidet med eit trygt og inkluderande skulemiljø og løfte elevane sine grunnleggjande ferdigheiter, med særleg vekt på lesing og rekning. Me søkjer ein rektor som kan samle medarbeidarane om ei felles retning og leie dette utviklingsarbeidet med engasjement og gjennomføringskraft.

Som rektor har du det overordna ansvaret for pedagogisk leiing, personalleiing og drift av skulen. Sentrale oppgåver er å:

• leie og vidareutvikle det pedagogiske arbeidet og styrkje elevane sitt læringsutbyte
• bruke elevresultat aktivt i skulen sitt utviklingsarbeid
• leie arbeidet med eit trygt og inkluderande skulemiljø
• vidareutvikle tilpassa opplæring, tidleg innsats og spesialpedagogisk tilrettelegging
• byggje eit sterkt profesjonsfellesskap og utvikle medarbeidarane
• sikre godt samarbeid mellom skule, heim og lokalsamfunn

• krav om godkjend lærarutdanning
• har leiarutdanning eller er villig å ta slik utdanning
• har god pedagogisk forståing og kompetanse innan skuleutvikling
• har forståing for spesialpedagogikk, tilpassa opplæring og sosialpedagogisk arbeid
• har kunnskap om førebygging og utvikling av gode skulemiljø
•  er ein trygg, tydeleg og relasjonsorientert leiar
• evnar å skape engasjement, felles retning og resultat gjennom andre
• har gjennomføringsevne og mot til å leie utviklingsprosessar

Me  tilbyr

• ei meiningsfull og spennande leiarstilling
• høve til å påverke og setje retning for skulen si vidare utvikling
• ein arbeidskvardag med nærleik til elevar, medarbeidarar og føresette
• gode moglegheiter for fagleg og personleg utvikling
• løn og arbeidsvilkår etter gjeldande avtaleverk

Vil du vere med og gjere ein forskjell?

Me søkjer ein rektor som ser moglegheitene i skulen, har høge ambisjonar på elevane sine vegner og vil skape utvikling saman med medarbeidarane.

Me gler oss til å høyre frå deg!