Vikariat som sjukepleiar på Vik sjukeheim

Vik sjukeheim har ledig  20-40 % vikariat som sjukepleiar i perioden 17.08.26 til 03.01.27.

Om lag 20 % av stillinga er på natt (1 helg, resten vekedagar), men det er òg noko dag og sein. Stillinga kan aukast ut over 20 % med ekstra tal helgar om ynskjeleg.

Kommunen er liten men tenkjer stort og har i 2026 fått ferdigstillt nye og moderne lokale med sjukeheim, lokale til heimetenester, psykiatri, psykolog, institusjonskjøkken, dagtilbod, rehabilitering og omsorgsbustader. Bli med på ein spanande framtidsretta utvikling i kommunen. Er du opptatt av faget ditt og har ynskje om fagleg og personleg utvikling ynskjer me at du kjem og arbeidar saman med oss i vakre Vik kommune sine helse og velferdstenester.

Vik sjukeheim yter tenester til alle typar pasientgrupper, og jobbar mellom anna med demensomsorg, rehabilitering og avlastning, samt behandlingar retta mot kroniske og somatiske tilstandar. Me har eitt KAD-rom, og eitt rom for lindrande behandling, som også er med inn i nybygget. Me jobbar med alle typar sjukepleiefaglege prosedyrar, og gir både avansert lindrande behandling, intravenøse behandlingar, sårbehandlingar og mykje meir. Det er tett samarbeid mellom sjukeheim, heimetenestene, psykiatri/rus og rehabiliteringsavdeling. Me har tilsynslege i 1,5 dag per veke på sjukeheimen.

• Arbeidsoppgåver etter kvalifikasjon og arbeidsstad
• Heilheitleg pleie og omsorg, samt medisinsk behandling av eldre og yngre pasientar
• Tverrfagleg samarbeid med andre yrkesgrupper

• Autorisert sjukepleiar
• God norsk munnleg og skriftleg kompetanse
• Gyldig politiattest må leggast fram ved tilsetjing

• Du er engasjert og positiv
• Du er fagleg trygg, modig og raus, og evnar å gjera tenesta, tilsette og brukarar gode
• Du likar å arbeide kunnskapsbasert og sjølvstendig og tar ansvar på vakter
• Du har gode kommunikasjonsferdigheiter og evnar å samarbeide i eit tverrfagleg perspektiv
• Du er løysingsorientert med god evne til gjennomføring
• Du er ryddig, strukturert og systematisk
• Du har evne til å arbeide sjølvstendig

Personlege eigenskapar vil bli vektlagde. 

• Gode lønnsvilkår
• Dyktige kollegaer og godt tverrfagleg samarbeid
• Gode pensjons- og forsikringsordningar

Kristin Hanekam, Stab helse og omsorg, mobil: 90721629, kristin.hanekam@vik.kommune.no

Hildegard Valland, Kommunalsjef helse og omsorg, mobil: 47264660, hildegard.valland@vik.kommune.no

Vik kommune praktiserer meiroffentlegheit. Dersom du ikkje ynskjer at namnet ditt skal offentleggjerast, må du grunngje dette i søknaden.

Alle søknader på ledige stillingar i Vik kommune skal registrerast elektronisk. Me ber om at dokumentasjon på eventuell utdanning og erfaring blir lagt ved søknaden.

Dersom du treng hjelp med søknaden, kan du ta kontakt på tlf. 57 69 82 00.