Psykologspesialist ved Avdeling spesialisert psykosebehandling

Psykiatrisk klinikk er i stadig utvikling og har som ambisjon å vere eit fyrtårn innan psykisk helsevern. Kvalitet i behandling og pasienttryggleik, og eit fagleg sterkt og godt arbeidsmiljø er sentralt i arbeidet vårt. Psykiatrisk klinikk er i ei spennande utvikling med planar for framtidas psykiske helsevern på Sandvikenområdet og i Årstadhuset på Haukeland 2029/2030.

Avdeling spesialisert psykosebehandling er lokalisert i på Sandvikenområdet, og er ei av fem avdelingar i Psykiatrisk klinikk, Divisjon Psykisk helsevern. Avdelinga består av 5 døgnseksjonar; Akutt psykose S3, S4 og S5, Kompleks rehabilitering (KRS) og Tidleg psykose (TP). I tillegg har avdelinga ansvar for polikliniske tenester, derunder eit ambulerande UUP-team (utviklingsforstyrringar/utviklingshemming og psykoselidingar), TOPS (Tidlig oppdagelse av psykose) og treningspoliklinikk. 

Avdeling spesialisert psykosebehandling har no ledig ei fast stilling som psykologspesialist, som i hovedsak er tenkt inn mot seksjon Kompleks rehabilitering (KRS). KRS er ein døgnseksjon for pasientar med psykose i kombinasjon med utviklingshemming, utviklingsforstyrringar eller andre kompliserande tilleggstilstandar. Seksjonen har brei tverrfagleg kompetanse og arbeider systematisk med målretta miljøterapi, (re)habilitering og recovery. KRS tilbyr eit godt arbeidsmiljø med varierte arbeidsoppgåver og gode høve til fagleg utvikling. Ein må pårekne å bistå på tvers i avdelinga ved behov. 

Arbeidsoppgåver

• Vurdering, diagnostisering og behandling av pasientar med ulike psykiske lidingar 
• Handtere tvang jf Lov om psykisk helsevern 
• Medverke til å utvikle eit trygt og godt fagleg fellesskap  
• Vere pådrivar for kvalitetsforbetring og fagutvikling 
• Rettleie psykologar og studentar 
• Utstrakt tverrfagleg samarbeid både internt og med diverse eksterne aktørar 
• Kunnskapsformidling internt og eksternt 
• Samarbeid med pårørande 

Kvalifikasjonar

• Psykologspesialist i vaksenpsykiatri med vedtakskompetanse i henhald til psykisk helsevernlova 
• Erfaring frå spesialisthelsetenesta er ønskeleg 
• Erfaring med behandling av personar med alvorleg psykoselidingar og døgnbehandling er ein fordel 
• Erfaring frå tverrfagleg samarbeid internt og eksternt er ein fordel 
• Interesse/engasjement for forbetringsarbeid og utvikling 
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare

Personlege eigenskapar

Du

• er prosess- og løysingsorientert
• skapar gode relasjonar og samhald 
• er inkluderande og involverande
• arbeider strukturert og målretta 
• tåler å stå i krevande situasjonar 
• tar avgjerder som er til det beste for pasienten og det samla tenestetilbodet
• er fagleg engasjert og har ei genuin interesse for pasientgruppa

Vi tilbyr

• Fagleg og personleg utvikling i eit arbeidsmiljø med engasjerte og kompetente medarbeidarar
• Spennande arbeidsoppgåver 
• Eit engasjerende fagmiljø i Psykiatrisk klinikk med felles undervisning, spesialistforum og kasuistikkar
• Gode moglegheiter til å delta i forsking eller kvalitetsforbetringsarbeid
• Lønn etter avtale
• Gode pensjons- og forsikringsordningar 

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Igne Sinkeviciute, Avdelingssjef, +47 55958580

Arbeidsstad

Sandviksleitet 1
5036 Bergen

Nøkkelinformasjon:

Arbeidsgivar: Helse Bergen HF

Referansenr.: 5136554509
Stillingsprosent: 100%
Fast
Søknadsfrist: 16.06.2026