Sjukepleiarstilling 

Barne- og unge, sengepost og poliklinikk (BUA) har ledig 100% vikariat for sjukepleiarar: 01.05.2026 - 30.04.2027

Barne- og ungdomsavdelinga er samansett av to seksjonar: Sengepost og poliklinikk.

Tidlegare var den ledige stillinga knytt til sengepost drift, men no er sengepost og poliklinikk samlokalisert i same etasje og organisert i ein felles seksjon: Barne og ungdom, sengepost og poliklinikk. Det pågår omorganisering og tenesteutvikling i avdelinga, og stillinga vil derfor kunne nyttast i både sengepost og poliklinikk, avhengig av behov.

Om avdelinga
Barne og ungdom, sengepost og poliklinikk, er ein spennande og variert seksjon med eit breitt fagfelt. Vi har spesialisthelsetenesteansvar for barn og unge i alderen 0–18 år.

Sengeposten tek imot barn og unge med eit breitt spekter av medisinske, kirurgiske og ortopediske tilstandar, samt premature og sjuke nyfødde.  Vi driftar òg avansert heimesjukehus (AHS).

Poliklinikken gir medisinsk utgreiing, behandling og oppfølging som til dømes ved: astma og allergi, diabetes og endokrinologi, mage–tarm, hjarte, nevrologi, nyre og urinvegar, revmatologi, infeksjonar og nyfødtmedisin.

Krav til stillinga
Tilsetjing krev tilfredsstillande politiattest i tråd med helsepersonellova §20a (gjeld arbeid med barn og utviklingshemma). Attesten skal ikkje vere eldre enn 3 mnd.

Turnus
Stillinga har tredelt turnus og arbeid kvar tredje helg. 

Arbeidsoppgåver

• Stell og pleie av inneliggande barn og ungdom: både premature og sjuke nyfødde, samt større barn og ungdommar med både medisinske- og kirurgiske diagnosar
• Sjukepleiarane må kunne jobbe med både små og store barn
• Noko poliklinisk aktivitet i sengeposten
• Opplæring/undervisning til pasient og pårørande
• Omsorg og støtte til pårørande
• Tredelt turnus med arbeid kva tredje helg

Kvalifikasjonar

• Norsk autorisasjon som sjukepleiar
• Gode kunnskapar i norsk, både munnleg og skriftleg
• Søkarar utanfor Skandinavia må dokumentere kunnskap i norsk skriftleg og munnleg
• Erfaring frå Barne- og ungdomsavdeling vil bli prioritert 
• Sekundært vil anna relevant sjukehuserfaring bli prioritert
• Kunnskap/erfaring med ein del medisinsk teknisk utstyr vil vere ein fordel

Personlege eigenskapar

• Fleksibel på arbeidsopgåver og arbeidstid
• Nøyaktig og arbeidssam
• Like varierte utfordringar
• Gode kommunikasjonsevner
• Samarbeidsvillig
  

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar
• Godt arbeidsmiljø
• Spennande og varierte arbeidsoppgåver 

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Jorunn Sollid, Seksjonsleiar, (+47) 992 93 641

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 5079620455
Stillingsprosent: 100%
Vikariat
Startdato: 01.05.2026
Sluttdato: 30.04.2027
Søknadsfrist: 06.04.2026