Rådgivar/seniorrådgivar – miljø og klima i landbruket

Om stillinga

Landbruksavdelinga hos Statsforvalteren i Rogaland har ansvar for at nasjonal politikk blir formidla og følgt opp i fylket. Vi  skal bidra til å nå nasjonale landbrukspolitiske mål, der matsikkerheit, auka verdiskaping og berekraftig landbruk står sentralt.

Engasjerer du deg for berekraftig landbruk? Har du kompetanse innan plante - og miljøfag, eller naturmangfald? Likar du samarbeid og prosjektarbeid? Då er kanskje DU vår nye kollega? For det er i Rogaland det skjer! Vi er store på matproduksjon, av både frukt, grønsaker og animalske produkt, og har dyktige bønder og ein stor leverandør- og foredlingsindustri. Vi skal også arbeide for god skogforvaltning og ivaretaking av karbonrike areal, og levere på mål om berekraftig landbruk med lågare utslepp av klimagassar. 

Landbruksavdelinga har ledig ei fast stilling som rådgivar. 

Arbeidsoppgåver 

I stillinga ligg både forvaltningsoppgåver, informasjonsarbeid og prosjektarbeid.

• Informasjons- og utviklingsarbeid for å bidra til å nå mål om berekraftig  landbruk, med vekt på klima,
• følgje opp Statsforvaltaren sitt ansvar for Regionalt miljøprogram (RMP) og andre miljøordningar, 
• følgje opp kommunane,
• igangsette og følgje opp faglege utgreiings- og samarbeidsoppgåver innan miljø- og klimafeltet,
• delta i ulike fora eksternt, og samarbeide med andre regionale aktørar, 
• saksbehandle enkeltsaker og samarbeide på tvers i embetet 

Andre oppgåver kan vere aktuelle avhengig av behov, kvalifikasjonar og kompetanse.

Kvalifikasjonskrav 

Vi ønskjer oss ein dyktig medarbeidar som har relevant utdanning på mastergradnivå. Utdanning på lågare nivå kan kompenserast med relevant erfaring. Du må ha kompetanse eller erfaring frå landbruket, og helst ha erfaring med miljøspørsmål i landbruket. Vi ønskjer også god kjennskap til bruk av GIS-verktøy. 

Personlege eigenskapar

Vi ser etter deg som: 

• samarbeider godt og byggjer gode relasjonar 
• er strukturert, sjølvstendig og løysningsorientert 
• har ein trygg og tydeleg kommunikasjon 
• trivst med varierte oppgåver og ansvar

Du må vere førebudd på å måtte reise ein del i fylket, og delta i møte og arrangement utanom normal arbeidstid.

Vi tilbyr

• lønn som rådgivar/seniorrådgivar, kr 620 000 - kr 740 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• fleksibel arbeidstid og gode arbeidsvilkår i staten god pensjonsordning (det blir trekt 2% pensjonsinnskot frå lønna), gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk 
• moglegheit for fagleg utvikling og kompetansebygging 
• varierte, interessante og samfunnsnyttige arbeidsoppgåver 
• triveleg arbeidsmiljø i Statens Hus sentralt i Stavanger 
• HjemJobbHjem-ordning 
• 6 månaders prøvetid 

Mangfold og inkludering 

Vi ønskjer eit mangfaldig arbeidsmiljø og oppmodar kvalifiserte kandidatar til å søkje, uavhengig av bakgrunn. Vi legg til rette ved behov.

Slik søkjer du 

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.