Ledig vikariat for ergoterapeut

 Stillinga er organisert som del av tildelingskontoret i Ulvik herad. Det er to stillingar på tildelingskontoret. Stillinga rapporterer til leiar for heimebaserte tenester, og er del av eit flott arbeidsmiljø ved Ulvik omsorgstun. 
Arbeidet er delt mellom ca. 40% sakshandsaming, og 60% arbeid som ergoterapeut. Arbeidet er sjølvstendig og du kan i stor grad styre eigen kvardag. 

Oppstart snarast. 
1 års vikariat fram til sommaren 2027, men moglegheit for forlenging. 

Oppgåver
Kjerneoppgåvene for stillinga vil vera sakshandsaming etter helse- og omosorgstenestelova, sakshandsaming og drift av lokalt hjelpemiddellager, arbeid med individuell plan og koordinerande eining, individuell oppfølging med pasientar, tverrfagleg arbeid. 

• Norsk autorisasjon som ergoterapeut
• Førarkort klasse B
• Gode norskkunnskapar, både munnleg og skriftleg
• Erfaring frå kommunehelseteneste er ønskjeleg
• Kompetanse eller erfaring med forvaltningsrett og sakashandsamning etter helse- og omosrgstenestelova. 
• Gode IT-ferdigheiter

Me søkjer ein person som er sjølvstendig og ryddig i arbeidet. Du må ha god skriftleg og munnleg framstillingsevne og samarbeide godt tverrfagleg.

-        Løn etter gjeldande tariff og lokale føringar

-        Kontorplass i moderne lokalar ved i Ulvik omsorgstun

-        Mobiltelefon og PC

-        Ein arbeidsplass med stor variasjon og mange dyktige kollegaer

Helse og velferd i Ulvik herad er ei eining med om lag 40 årsverk og har eit tenestetilbod som omfattar sjukeheim, heimesjukepleie, legekontor, skulehelseteneste og helsestasjon, heimehjelp, fysioterapi, ergoterapi, psykisk helse og rus, sosialtenester, flyktningtenester. Me har lokalar i Ulvik sentrum og på Ulvik Omsorgstun som var nytt i 2020. Som tilsett hos oss vert du del av eit arbeidsmiljø med flotte folk og stort mangfald i både alder, utdanning, erfaring og bakgrunn.