Seniorrådgivar - beredskapskoordinator

Om stillinga

Vi søkjer etter ein dyktig medarbeidar som skal drive vidareutviklinga av beredskapsarbeidet til direktoratet. Beredskapsarbeidet vårt spenner frå interne krisescenario til naturhendingar i Noreg der Miljødirektoratet har ei rolle i krisehandteringa. 

Ansvarsoppgåvene i stillinga inneber mellom anna å revidere og utvikle beredskapsplanverket og rammeverket vårt for førebyggjande tryggleik. Du vil òg få ansvaret for internkontroll innanfor beredskapsområdet. Dette arbeidet inkluderer å oppdatere, utvikle og innføre nye rutinar i direktoratet. I Miljødirektoratet øver vi for å bli betre, og du vil ha ei nøkkelrolle i å planleggje, koordinere, gjennomføre og evaluere øvingar som ein del av kompetansebyggjande tiltak.

Stillinga ligg i seksjon for tryggleik og beredskap, som er organisert i organisasjons- og digitaliseringsavdelinga. Du vil jobbe tett med relevante miljø i eiga avdeling og med fagavdelingane direktoratet. Seksjonen har eit heilskapleg ansvar for informasjonstryggleik, IT-tryggleik/cyber-tryggleik, personvern/GDPR, personelltryggleik og fysisk tryggleik.

Seksjonen har medarbeidarar både på Helsfyr i Oslo og Brattøra i Trondheim. Denne stillinga har kontorstad i Trondheim. 

Stillinga sine hovudansvarsområde

• styrkje beredskap og tryggleik ved å utvikle og implementere planverk
• fremje ein proaktiv tryggingskultur 
• effektivisere og utvikle arbeidsprosessar for beredskap og fysisk tryggleik
• bidra til samarbeid internt og med eksterne partnarar, og leie beredskapsteamet gjennom målretta øvingar
• vidareutvikle krisestøtteverktøyet Rayvn

Kompetansekrav

Kvalifikasjonar

• relevant utdanning på masternivå innan tryggleik, beredskap eller IT. Relevant arbeidserfaring kan kompensere for utdanningskravet.
• erfaring frå tryggleiks- og beredskapsarbeid
• god skriftleg og munnleg framstillingsevne på norsk 
• erfaring med digitale krisestøtteverktøy (gjerne Rayvn) vil vektleggjast 
• erfaring med utvikling og vedlikehald av styringssystem og internkontroll vil vektast positivt
• kjennskap til relevante standardar og rammeverk, som NSMs grunnprinsipp, sikkerheitslova og leiingssystem for informasjonstryggleik etter ISO27001

Særskilde krav:

Søkjarar til denne stillinga må tilfredsstille krava til tryggleiksklarering HEMMELEG.

Eigenskapar

• du har god gjennomføringsevne og tek ansvar for eigne leveransar
• du har gode relasjonelle evner og samarbeider godt på tvers
• du er initiativrik og har gode kommunikasjonseigenskapar 
• du jobbar strukturert og systematisk
• du har god rolleforståing og evnar å sjå heilskap og samanhengar

Personleg eigenskapar vil bli vektlagde.

Vi tilbyr

• fast stilling som seniorrådgivar med lønn i lønnsspennet frå kr. 700 000 - 940 000 etter erfaring og kvalifikasjonar. Særskilt kvalifiserte søkarar kan vurderast noko høgare. 
• utfordrande arbeidsoppgåver på eit viktig samfunnsområde
• gode høve for fagleg og personleg utvikling
• eit breitt tilbod av sosiale, kulturelle og sportslege aktivitetar, inkludert trening i arbeidstida
• fleksible arbeidstidsordningar og gode pensjons- og bustadlånordningar i Statens pensjonskasse

Har du spørsmål?

Kontaktperson for stillinga er seksjonsleiar Svein Gustad, tlf. 95 18 77 17 eller e-post svein.gustad@miljodir.no.

Oppgi referansenummer 94-2025 OSB når du tek kontakt.

Generelle opplysningar

Du må søkje på stillinga via Jobbnorge.no. Skriv søknaden på norsk, og legg ved relevante attestar og utdannelse tatt i utlandet. Vitnemål for utdannelse tatt i Norge må du laste opp i Vitnemålsportalen.

Søkjarlistene blir offentlege når søknadsfristen har gått ut. Om du ikkje ønskjer å stå på den offentlege søkjarlista, må du grunngi kvifor. Vi tek kontakt med deg dersom vi ikkje tek ønsket ditt til følgje, og du får høve til å trekkje søknaden din. 

Vi oppfordrar deg til å krysse av i jobbportalen dersom du har funksjonsnedsetjingar, hòl i CV-en eller innvandrarbakgrunn. Vi kallar inn minst éin kvalifisert søkjar frå kvar av desse gruppene til intervju. Du kan lese meir om dette på Statens arbeidsgivarportal. Avkryssinga blir også brukt i ein anonymisert statistikk som alle statlege verksemder har med i årsrapportane sine.

Meir informasjon om korleis vi handterer opplysningar om deg som søkjar, kan du finne i personvernerklæringa vår.