Arealplanleggjar - fagansvarleg 

Vil du drive planlegging i spennet mellom bruk og vern,  og med fokus på berekraftmåla i fjellkontekst?
Bykle kommune har både fjellbygd og fjellby,  rike naturområde og kulturlandskap , og vi har mykje vasskraft. Kommunen er og ferie- og fritidsdestinasjon med reiseliv og hytter. Kommunen leverer gode tenester. Vi har varierte kultur- og fritidstilbod og idrettsanlegg for deg som vil vere fysisk aktiv. Vi arbeider med planlegging i spennet frå store utbyggingsprosjekt med investorar til varig vern av natur, ofte i samhandling med regionale styresmakter. Kart og digitale sjølvbeteningsløysingar vil vere stadig viktigare framover for samhandling med innbyggjarar, hyttefolk og næringsliv. Vi treng deg med god kunnskap om kart, digitale  verktøy og og solid planfagleg kompetanse. Hjå oss vil du vere del av samfunnseininga på Bykle rådhus. Denne stillinga er for deg som både kan handverket med planarbeid, sakshandsaming, og kan ta oss vidare i arbeidet med å ta i bruk nye digitale løysingar. Du tek ansvar for fagleg kvalitet og utvikling, og å koordinere laget i samarbeid med leiinga i samfunnsavdelinga.

Arbeidsoppgaver

• Koordinering planfaglege oppgåver i samfunnsavdelinga
• Planarbeid i medhald av plan- og bygningslova - alle plannivå
• Utarbeide, sakshandsame, koordinere og kvalitetssikre planer og politiske saker innafor fagområdet
• Koordinere og medverke i ulike temaplaner og gjennomføre planprosessar med brei medverknad
• Prioritering av oppgåveløysing (kompetanse/kapasitet) og kvalitetsarbeid innafor avdelinga og relatert til fagområdet
• Delta i samordningsmøte med kommunalsjef og verksemdsleiar, og i politiske møte ved behov
• Føreslå høyringsuttalar og ta opp regionale og nasjonale saker av tyding for samfunnsutviklinga i Bykle
• Digitalisering og implementering av ny teknologi relatert til plan og brukarar av våre tenester
• Pådrivar for fagleg utvikling og tverrfagleg utviklingsarbeid
• Bistand i arbeid med planportalar og utvikling av sjølvbetenings- og innsynsløysingar relatert til kart, plan og byggjesak på heimesida
• Bistand i høve oppdatering av kartdatabase (FKB),  sektorlovgjeving , særlovsforvalting og andre oppgåver kan bli lagt til stillinga
• Prosjektansvar og prosjektarbeid - og andre oppgåver kan og bli lagt til stillinga ( Det blir utarbeidd stillingsomtale.)

Kvalifikasjoner

• Master eller bachelor utdanning innanfor samfunns-/arealplanlegging, eller tilsvarande relevant kompetanse
• God kjennskap til bruk av GIS, kart og arealverktøy databaser og digitale løysingar o.s.b.
• Kompetanse og røynsle frå offentleg forvalting
• Formalkompetanse innafor plan og bygningsrett og relaterte særlover, og forvaltingsrett er ein sterk fordel
• Interesse for KI og nye digitale løysingar

Personlige egenskaper

• Fagleg trygg, sjølvstendig og med god rolleforståing mellom administrasjon og politikk
• Engasjert og lett for å arbeide i lag med andre
• Motivert, arbeidssam, ryddig og serviceinnstilt
• God til å uttrykke deg både skriftleg og munnleg. 

Vi tilbyr

• Spennande arbeidsoppgåver i ein kommune med høg aktivitet
• Mulegheit til fagleg utvikling og vekst
• Fleksibel arbeidstid - høve til noko heimekontor etter avtale
• Løn etter kvalifikasjonar, og etter avtale
• God pensjons- og forsikringsordning
• Kommunen kan vere hjelpsam med å skaffe bustad
• Bykle kommune er ein distriktskommune og frå 2026 får ein etter å ha vore folkeregistrert i kommunen i eit år avskriving på studielån på 25 000,- pr år
• Flyttegodgjersle etter eige reglement
• Bedriftsleilighet i Kristiansand
• Full dekning i barnehage og SFO
• Flotte naturopplevingar heile året for store og små

 

Oppdatert CV, vitnemål og attestar skal lastas opp i Webcruiter. Aktuelle kandidatar vert invitert til intervju.

Tilsetjing skjer på dei vilkår som går fram av lover, reglement og tariffavtaler. Det vert trekt 2% pensjonsinnskot.
.
Namnet ditt vil normalt bli offentleggjort i forenkla søkjarliste. Du kan be om å bli unnateke offentlegheit, men då må du grunngje dette skriftleg, jf. offentleglova §25. Kan ikkje kommunen imøtekome dette, vil du bli varsla før offentleggjering.
 
Vi ynskjer ikkje kontakt med annonseseljarar.
 

Kontaktinformasjon

Signe Sollien Haugå, Kommunalsjef, 48237300

Arbeidssted

Sarvsvegen 14
4754 Bykle

Nøkkelinformasjon:

Arbeidsgiver: Bykle

Referansenr.: 5066051920
Stillingsprosent: 100%
Fast
Søknadsfrist: 14.02.2026