Konsulent/Fyrstekonsulent

Askøy vidaregåande skule søkjer ein sjølvgåande, engasjert og strukturert konsulent til ei allsidig stilling innan administrasjon og økonomi. Stillinga er 100 % fast, og passar godt for deg som liker variasjon i arbeidskvardagen, og som trivst med å ha mange ballar i lufta samtidig.

Skulen vår er i sterk vekst og arbeidsoppgåvene ved merkantil avdeling er i endring.

Avdelinga har mellom anna ansvar for rekkneskap og budsjett, innkjøp, lønn, tilsetjingar, utleige, kantinedrift, eksamensavvikling og inntak av elevar. Det er difor store muligheiter for tilpasning og endring i arbeidsoppgåver over tid. Avdelinga er også ansvarleg for merkantile oppgåver som publikumsmottak, sentralbord og arkiv samt elev- og tilsettstøtte. Det er naturleg at alle på avdelinga bidreg på desse områda i varierande omfang.

Dersom ein ynskjer det er det også gode høve til deltaking i fellesprosjekt i Vestland fylkeskommune -- alt etter interesse, kapasitet og erfaring.

Arbeidsoppgåver

• Arbeid i Elements (arkiv- og saksbehandlingssystem)
• Handsaming av fakturaer
• Drift av ekspedisjonen og sentralbord
• Vedlikehald av rutinar og regelverk
• Handsaming av reiserekningar og refusjon av utlegg
• Planlegging og avvikling av eksamen
• Oppdatering og vedlikehald av nettsidene
• Støtte til andre tilsette ved skulen
• Andre oppgåver som høyrer til avdelinga

Kvalifikasjonar

• Relevant utdanning innan administrasjon, økonomi eller liknande, eventuelt relevant erfaring som kan kompensere for manglande formell utdanning
• Relevant kontorfagleg kompetanse og erfaring
• Erfaring frå kundeservice
• Erfaring frå arbeid med utforming og innføring av rutinar og arbeidsprosessar
• Kjennskap til og interesse for skuleadministrative system, spesielt Visma in School
• Kjennskap til og interesse for administrativt arbeid med tilsetjingar og lønsarbeid
• Er strukturert, nøyaktig og har god arbeidskapasitet
• Har god digital kompetanse og kan setje deg raskt inn i nye system
• Har god skriftleg og munnleg framstillingsevne på norsk

Personlege eigenskapar vil bli tillagt stor vekt

Personlege eigenskapar

Me søkjer ein kollega som trives i ein uforutsigbar arbeidsdag saman med kjekke og fleksible kollegaer som ynskjer å bidra til å utvikla ein god skule og ta vare på det gode arbeidsmiljøet vårt.

Mykje av arbeidet handlar om å halde god orden og kontroll samt yte service, så me ynskjer oss ein kollega som kan jobbe strukturert og nøyaktig samstundes som ein gjev opplæring og støtte der det trengs.

Du må vera både sjølvstendig og trivast med å jobba tett saman med andre. Arbeidspresset varierar mellom dei tilsette på avdelinga og gjennom skuleåret, og me er heilt avhengige av å avlaste der det trengs når det toppar seg.

Vi tilbyr

Dersom du blir del av teamet vårt får du ein arbeidsdag med kjekke kollegaer som bryr seg om deg. Me har ein god og uformell tone oss i mellom, og latteren sit laust i den opne kontorløysinga vår.

Du får høve til å påvirke innhaldet i stillinga og vil få bryne deg på både vanlege, rutineoppgåver, samtidig som du vil bli utfordra på løysing av oppgåver du ikkje har vore borte i før. Du vil få dagar med roleg tempo og tid til fordjupning -- og dagar der du knapt rekk å få i deg lunsjen.

Me har god avspasseringsordning og gode høve for kompetanseutvikling både i arbeidsdagen og i form av kursing. Kontorlokala er heilt nye med gjennomtenkte løysingar for eit godt fysisk arbeidsmiljø.

Lønns- og arbeidsvilkår i tråd med avtaleverket for Vestland Fylkeskommune.
Me gjer merksam på at søkjarar kan bli ført opp på offentleg søkjarliste sjølv om ein har bedt om anonymitet. I så fall vil du verta varsla om dette.

Før tilsetjing i vidaregåande skule må ein kunne leggje fram politiattest.