Er du utdanna barnehagelærar eller ønskjer du å bli det?

Me har majestetiske fjell med eit vel av fantastiske turalternativ både til fots og på ski, masse fiskevatn og gode jaktmoglegheiter. Og me har eit koseleg sentrum heilt ned til fjorden med gamle, søte trehus. På dei mange åkrane i dalen dyrkar dyktige bønder poteter, grønsaker, bær og frukt i rikt monn. 

I Lærdalsøyri barnehage jobbar me for å gjera Lærdal kommune til ein god stad å bu. Me ser etter deg som likar born, er god på relasjonsbygging, samarbeid og utvikling.

Er du utdanna barnehagelærar, snart ferdig utdanna, eller ønskjer du å bli ein? Då har du ei unik moglegheit hjå oss.

Gjennom nasjonale rekrutteringsordningar har me moglegheita til å legga til rette for å ta desentralisert- eller arbeidsplassbasert barnehagelærarutdanning samtidig som du arbeider hjå oss.

Les om dei ulike ordningane her:

Ved ei slik ordning vil arbeidsgjevar legge til rette for at du får delta på utdanningssamlingar og gjennomføre praksis, mot ei binding på to år ved fullført utdanning. Du arbeider i 80-100% stilling i Lærdalsøyri barnehage samstundes som du tek utdanninga.

Gjennom «Tett på barn og unge i Lærdal» satsar Lærdal kommune på «Betre tverrfagleg innsats». Les meir her Tett på barn og unge i Lærdal - Tett på barn og unge.

Me deltek for tida i eit REKOMP utviklingsarbeid med fokus på næringsrik og berekraftig mat i barnehagen. Utviklingsarbeid er ein viktig del av vårt pedagogiske arbeid, og for å lukkast med dette må alle tilsette bidra aktivt.

• Barnehagelærarutdanning – eller ønskje om å starte på denne utdanninga
• God på relasjonar og samarbeider godt med dei rundt deg
• Gode skriftlege og munnlege kommunikasjonsevner
• Ansvarsfull, sjølvstendig og likar ein travel og hektisk arbeidskvardag

Personlege eigenskapar vil bli vektlagt.

• Planlegging og gjennomføring av pedagogiske aktivitetar på avdelinga
• Observasjons-, vurderings- og dokumentasjonsarbeid knytt til enkeltbarn og barnegruppa
• Gjennomføring av foreldresamtalar
• Samarbeide tett med pedagogisk leiar om organisering av avdelinga
• Stadfortredar for pedagogisk leiar
• Dersom du har påbegynt barnehagelærarutdanninga må du rekna med å bli konstituert som barnehagelærar dersom me ikkje lykkast med å nå pedagognorm
• Andre arbeidsoppgåver må påreknast

• Ein variert arbeidskvardag
• Konkurransedyktige lønsvilkår
• Gode pensjons- og forsikringsordningar
• Engasjerte kollegaer i eit variert fagmiljø
• Tilsetting i ei trygg, offentleg, verksemd
• Moglegheiter for å ta barnehagelærarutdanning

• Full barnehagedekning
• Gratis fulltids-SFO for 1. og 2.klassingar, gratis deltids-SFO for 3.klassingar.
• Gratis kommunale bustadtomter rett ved Borgund sentrum
• Eit variert kommunalt kulturprogram i tillegg til alt det andre som skjer i bygda