Sjukepleiar ved sjukeheim / Helsesenteret

Ål kommune Helse- og omsorgssektoren

Torget 1, 3570 Ål

Stillingsannonsen er inaktiv.

Om jobben

Type ansettelse: Fast, heltid 100%
Arbeidstid: Turnus
Arbeidsspråk: Norsk
Antall stillinger: 2
Arbeidssted: Hjemmekontor ikke mulig

Me har ledig inntil 100 % fast stilling som sjukepleiar både ved korttids- og langtidsavdelinga Om ønskjeleg kan det annan stillingsstorleik avtalast.

Er du ein som tek initiativ, kan ta sjølvstendig ansvar og ønskjer å vere med å utvikle gode helse- og omsorgstenester?

Evnar du å gje tryggleik gjennom god, fagleg omsorg. Vil du yte det vesle ekstra og er samtidig fleksibel, samarbeidsvillig og har evne til nytenking?

Då vil me ha deg med i laget - anten du har erfaring eller du er nyutdanna - her hjå oss får du god opplæring og rettleiing.Om oss:

Avdeling Tunet er ei aktiv korttidsavdeling som tilbyr tilrettelagd og individuell oppfølging av pasientar både innan behandling, palliasjon, demens, psykiatri og rehabilitering. Avdelinga har 16 plassar, 12,6 årsverk og har god fagdekning. Avdeling Stugu er ei sjukeheimsavdeling som tilbyr langtidsopphald til pasientar med demensdiagnose og generelle geriatriske problemstillingar. Avdelinga har 33 plassar og 32 årsverk.

Det blir lagt stor vekt på tilrettelagt aktivitet og gode opplevingar for bebuarane. Me har stort fokus på fag, kvalitet og utvikling. Du kan rekne med ein variert og spennande jobb - i eit arbeidsmiljø med engasjerte og fagleg dyktige medarbeidarar. Tverrfagleg samarbeid står i fokus. Det er tett samarbeid med fysioterapeut, ergoterapeut og sjukeheimslegen.

Institusjonstenesta har base på Ål helsesenter som består av både fysio- og ergoterapiteneste, psykisk helseteneste, heimesjukepleie og omsorgsbustader . Ål legekontor, Hallingdal sjukestugu og prehospitale tenester er samlokalisert med Ål helsesenter.

Arbeidsoppgåver:

sjukepleiarfaglege prosedyrar og kliniske oppgåver.
observere, planlegge, gjennomføre og evaluere pleie og medisinsk behandling i samarbeid med kollegaer, lege, ergoterapeut og fysioterapeut.
ivareta pasientane sine behov og mål i samarbeid med pasienten sjølv og pårørande.
tett og godt samarbeid med pasientar og pårørande
deltaking og ansvar for legevisitt etter vaktplan.
vere aktiv pådrivar for å skape godt fagmiljø og samarbeid mellom faggrupper
kontinuerleg forbetrings- og utviklingsarbeid
rettleie studentar, elevar og medarbeidarar

Vi ynskjer å jobbe med deg som:

har norsk autorisasjon som sjukepleiar\vernepleiar, gjerne med relevant vidareutdanning (klinisk avansert, rehabilitering, geriatri, psykiatri og demens)
vil vere aktiv bidragsytar til kunnskapsbasert praksis og utvikle egen arbeidsplass
trivst med faglege utfordringar
bidreg til at brukarar blir fagleg, individuelt ivareteke og arbeider aktivt for å auke deira eigenmeistring og livskvalitet
beherskar norsk svært godt, både skriftleg og munnleg, minimum B2 - nivå.
er god på å motivere og rettleie.
evnar å gje tryggleik gjennom god, fagleg omsorg.
bidreg til eit godt arbeidsmiljø med humor, arbeidsglede og lojalitet.
er fleksibel, samarbeidsvillig og har evne til nytenking
trivst med utfordringar og er løysingsorientert

Personleg eigenskapar vert tillagt stor vekt

Me tilbyr

todelt turnus (eigen nattevaktsturnus)
fagleg spennande, utfordrande og varierte arbeidsoppgåver
høgt fagleg nivå og god fagdekking
høve til fagleg og personleg utvikling.
positive og trivelege kollegaer i eit godt arbeidsmiljø.
fadderordning.
rabattert pris på treningssenter.
lønn og arbeidsvilkår i samsvar til lov og avtaleverk, rekruttere og behaldetillegg
pensjonsordning i KLP

Politiattest og søknad

Den som vert tilsett må legge fram politiattest ikkje eldre enn tre månader.
Intervju og tilsetting kan skje fortløpande i søknadsperioden.
Kommunen følgjer offentleglova § 25 ved eventuell offentleggjering av søkjarlista.
Vitnemål og attestar legg du inn saman med søknaden.

Ta gjerne kontakt med oss.

Velkommen som søkjar!
Link til søknadsskjema: Søk her

Om bedriften

Ål kommune er ein utviklingsorientert arbeidsgjevar for 650 engasjerte tilsette, som er opptekne av å gje tenester av høg kvalitet til alle innbyggjarar, store og små. I UNICEFS rapport om kvaliteten i oppvekst- og levevilkår, er Ål kommune blant dei 10 beste kommunane i Noreg. Dei fleste av helse-og omsorgstenestene er lokalisert ved Ål helsesenter, som er samlokalisert med Hallingdal sjukestugu og prehospitale tenester. Me har moderne lokalar og god tilgang på teknisk utstyr. Ål helsesenter er samlingspunkt for små samankomstar og større arrangement. Me har eigen kafeteria som tilbyr kaffi, lunsj og middag. Kårstugu og Nigardstugu har ei rekkje aktivitetar som både bebuarar og heimebuande nyttar seg av. Dagsenter for eldre og dagsenter for kognitiv svikt er også lokalisert ved Ål helsesenter. Det blir lagt til rette for å vidareutvikle sin kunnskap gjennom god opplæring, internkurs og vidareutdanning. Helse- og omsorgssektoren driv spanande prosjekter og utviklingsarbeid, som sett dagsaktuelle tema i fokus. Me er også vertskommune for Hallinghelse, som er eit unikt fag- og utviklingsfellesskap for kommunane i Hallingdal. Ål er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv! Bu- og levekostnadene rimelegare enn i dei store byane, noko som gjer at du kan bruke pengane på å realisere draumane dine; anten det er å vere meir ute, reise eller skape noko sjølv. I Ål ønskjer vi å legge til rette for at nytilflytta kjenner seg sett, møtt og inkludert. Les meir på våre heimeside. Ål er ein av dei beste kulturkommunane i Noreg. Kulturhuset tilbyr spanande og variert program for heile Hallingdal. Ål kommune vart kåra til både Årets kulturkommune og Årets nynorskkommune i 2021!