Hopp til innhold

Er du på jakt etter spanande og relevant arbeidserfaring i sommar?

Arbeidsgiver

Ål kommune Helse- og omsorgssektoren

Sted

Torget 1, 3570 Ål

Om jobben

Stillingstittel
Ferievikar - Helse og omsorgssektoren
Type ansettelse
Feriejobb, heltid 100%
Arbeidsspråk
Norsk
Antall stillinger
1
Arbeidssted
Hjemmekontor ikke mulig

Søk på jobben

Søk senest søndag 31. mai

Studerer du sjukepleie/ vernepleie / medisin eller anna helsefag?
Ønskjer du ekstrajobb som gir deg relevant erfaring?
Skal du vere delar av sommaren i Ål / Hallingdal og ønskjer å ta på deg ekstraarbeid?
Er du pensjonist eller har ledig kapasitet ved sidan av ditt ordinære arbeid?

Ål kommune ønskjer positive, serviceinnstilte og pliktoppfyllande ferievikarar med god arbeidskapasitet, og yter det vesle ekstra for å skape den gode dagen for våre brukarar. 

Helse - og omsorgssektoren søkjer ferievikarar for sommaren 2025 i avdelingane:

  • Heimetenester, kontaktperson er Marie Skråmestø
  • Avdeling Tunet (sjukeheim - korttidsavdeling), kontaktperson er Harald Haugen
  • Avdeling Stugu (sjukeheim - langtidsavdeling), kontaktperson er Tone Fossgård Berg
  • Avdeling Meistring (dagsenter), kontaktperson er Live Magnetun
  • Miljøterapiteneste – avdeling 1, kontaktperson er Kristina Johansson
  • Miljøterapiteneste – avdeling 2, kontaktperson er Marianne Tretterud Skarpås
  • Ål Legeteneste / Hallingdal legevaktsentral, kontaktperson er Gry Katrine Kirkeluten

Presiser i søknaden kva avdeling du ynskjer å jobbe, samt kva periode, og om du ynskjer å starte allereie no. Ønska tidsrom er avgjerande og bindande. Søkjarar som kan arbeide heile perioden blir føretrekke. Det er ein føresetnad at du kan jobbe minst 4 veker samanhengande i vekene 26- 32. 

Dersom du allereie har aktiv vikaravtale i sommarperioden i helse- og omsorgssektoren i Ål kommune treng du ikkje søkja på nytt. 

Arbeidsoppgåver kan vere
  • hjelp, omsorg og pleie til brukarane etter individuelle behov (personleg hygiene, forflytning, aktivitet, kommunikasjon, tilrettelegging i matsituasjonar, lage mat, dokumentasjon)
  • praktisk bistand / heimehjelp
  • å bidra til gode og meiningsfylte kvardagar, aktivitet og sosial kontakt
  • miljøarbeid
Kvalifikasjonar
  • ønskje om, men ikkje eit krav, utdanning og /eller erfaring innan helse og omsorgsfag
  • for å jobbe ved Ål legeteneste / Hallingdal legevaktsentral må du ferdig utdanna sjukepleiar eller paramedic
  • ha gode kunnskapar i norsk, - både skriftleg og munnleg
  • ønskjeleg med førarkort ( gjeld ikkje alle avdelingar)
  • ha fylt 18 år
Personlege eigenskapar
  • sjølvstendig, fleksibel og påliteleg
  • har gode samarbeids- og kommunikasjonsevner og har evne til å skape tillit
  • er pliktoppfyllande / påliteleg, lojal og grundig
  • du kommuniserer godt med brukarar, deira pårørande og samarbeidspartar

Det vil bli lagt vekt på personlege eigenskapar.

Me tilbyr
  • todelt turnus og eigen nattevaktsturnus. Enkelte avdelingar har langvakter
  • fagleg spennande, utfordrande og varierte arbeidsoppgåver og lærerik feriejobb
  • høgt fagleg nivå og god fagdekking
  • eit godt tverrfagleg og sosialt miljø
  • e-læringskurs, internundervisning og fagleg påfyll
  • lønn og arbeidsvilkår i samsvar til lov og avtaleverk og pensjonsordning i KLP
Politiattest og søknad
  • vitnemål og attestar legg du inn saman med søknaden
  • den som vert tilsett må legge fram politiattest ikkje eldre enn tre månader
  • intervju og tilsetting kan skje fortløpande i søknadsperioden
  • kommunen følgjer offentleglova § 25 ved eventuell offentleggjering av søkjarlista
Velkomen som søkjar!

 

 
Link til søknadsskjema: Søk her

Kontaktperson for stillingen

Kristina Johansson, avdelingsleiar, miljøterapitenesta- avdeling 1

Avdelingsleiar

+47 915 27 590

kristina.johansson@aal.kommune.no

Om bedriften

Ål kommune er ein utviklingsorientert arbeidsgjevar for 650 engasjerte tilsette, som er opptekne av å gje tenester av høg kvalitet til alle innbyggjarar, store og små. I UNICEFS rapport om kvaliteten i oppvekst- og levevilkår, er Ål kommune blant dei 10 beste kommunane i Noreg. Dei fleste av helse-og omsorgstenestene er lokalisert ved Ål helsesenter, som er samlokalisert med Hallingdal sjukestugu og prehospitale tenester. Me har moderne lokalar og god tilgang på teknisk utstyr. Ål helsesenter er samlingspunkt for små samankomstar og større arrangement. Me har eigen kafeteria som tilbyr kaffi, lunsj og middag. Kårstugu og Nigardstugu har ei rekkje aktivitetar som både bebuarar og heimebuande nyttar seg av. Dagsenter for eldre og dagsenter for kognitiv svikt er også lokalisert ved Ål helsesenter. Det blir lagt til rette for å vidareutvikle sin kunnskap gjennom god opplæring, internkurs og vidareutdanning. Helse- og omsorgssektoren driv spanande prosjekter og utviklingsarbeid, som sett dagsaktuelle tema i fokus. Me er også vertskommune for Hallinghelse, som er eit unikt fag- og utviklingsfellesskap for kommunane i Hallingdal. Ål er ein spennande møteplass mellom aust og vest, med eit rikt mangfald av arbeidsplassar og fritidstilbod. Dette er draumeplassen for deg som likar friluftsliv, kultur og eit kortreist og køfritt kvardagsliv. Her gjev naturopplevingar sommar og vinter, kulturopplevingar og eit stort tal arrangement grunnlaget for det gode liv! Bu- og levekostnadene rimelegare enn i dei store byane, noko som gjer at du kan bruke pengane på å realisere draumane dine; anten det er å vere meir ute, reise eller skape noko sjølv. I Ål ønskjer vi å legge til rette for at nytilflytta kjenner seg sett, møtt og inkludert. Les meir på våre heimeside. Ål er ein av dei beste kulturkommunane i Noreg. Kulturhuset tilbyr spanande og variert program for heile Hallingdal. Ål kommune vart kåra til både Årets kulturkommune og Årets nynorskkommune i 2021!

Sektor

Offentlig

Del annonsen

Annonsedata

Rapporter annonse
Stillingsnummer

82a4eeee-6961-424a-9852-fe51bf7b76ca

Sist endret

1. januar 2026

Hentet fra

visma-easycruit

Referanse

3579535_200325_nn

Lignende annonser