Sterilforsyningsteknikar

Sterilforsyning Ålesund søkjer to sterilforsyningsteknikarar i 100% vikariat

Vil du jobbe i eit fagmiljø der nøyaktigheit, kvalitet og ansvar står i sentrum?
Vi søkjer deg som har auge for detaljar, arbeider strukturert og set høge krav til eige arbeid. Hos oss er presisjon avgjerande – fordi arbeidet vårt er ei føresetnad for god pasientsikkerheit.

I sterilforsyninga sikrar vi at kirurgiske instrument og medisinsk utstyr blir desinfisert, kontrollert, pakka og sterilisert i tråd med strenge faglege standardar og krav til kvalitet og sporbarheit.

Vi er i utvikling – og skal byggje ein moderne sterilsentral som står ferdig hausten 2027. Nye lokale vil gi optimale arbeidsforhold med oppdaterte løysingar for logistikk, rein/urein sone, sluser og avansert utstyr, inkludert automatiserte løysingar som lagerrobot. Dette legg til rette for effektiv drift og høg kvalitet, tilpassa framtidas krav til smittevern og pasientsikkerheit.

Hos oss blir du ein viktig del av eit sterkt fagmiljø med høge ambisjonar, der vi arbeider systematisk og støttar kvarandre for å sikre høg kvalitet og trygg pasientbehandling.

Arbeidsoppgåver

• Utføre desinfeksjon, kontroll, vedlikehald, pakking og sterilisering av kirurgisk utstyr, instrument og fleksible skop i tråd med gjeldande krav
• Gjennomføre nøyaktig demontering og montering av ureint og reint utstyr frå operasjon
• Utføre systematisk kontroll, kvalitetssikring og funksjonstesting med høg grad av presisjon
• Sikre korrekt bruk av digitale sporingssystem for full sporbarheit og dokumentasjon
• Handtere maskiner og teknisk utstyr i samsvar med prosedyrar og krav til driftssikkerheit
• Arbeide strukturert og effektivt for å sikre rett leveranse til rett tid
• Oppretthalde orden, system og standard i seksjonen til ei kvar tid
• Gjennomføre rutinekontrollar av reingjerings- og steriliseringsprosessar
• Identifisere, melde og følgje opp avvik i tråd med gjeldande system
• Delta aktivt i kvalitetsarbeid og kontinuerleg forbetring
• Utføre tildelte oppgåver med høg grad av sjølvstende og ansvar

Kvalifikasjonar

• Relevant helsefagleg utdanning (helsefagarbeidar eller tilsvarande)
• Fagskuleutdanning innan sterilforsyning, kirurgisk verksemd eller smittevern er ein fordel
• Erfaring frå sterilforsyning eller arbeid med medisinsk utstyr er ønskjeleg
• Generell god IT-kompetanse og teknisk forståing
• God forståing for kvalitet, sporbarheit og krav til dokumentasjon
• Gode norskkunnskapar, munnleg og skriftleg (minimum nivå B2 eller tilsvarande)

Ufaglærte med motivasjon for å ta utdanning innan sterilforsyning eller smittevern blir også oppmoda til å søkje. Seksjonen tilbyr strukturert og rettleidd opplæring gjennom eit eittårig opplæringsprogram med tett fagleg oppfølging.

Personlege eigenskapar

• Du arbeider nøyaktig, strukturert og med høg grad av presisjon
• Du følgjer prosedyrar og krav utan å gå på kompromiss med kvalitet
• Du er komfortabel med bruk av moderne maskiner og digitale system
• Du tek ansvar for eigne oppgåver og leverer stabil kvalitet over tid
• Du tek ansvar for eigen læring og fagleg utvikling
• Du har interesse for kvalitetssikring og smittevern
• Du samarbeider godt med andre, og arbeider effektivt både i team og sjølvstendig
• Du handterer eit høgt arbeidstempo på ein kontrollert og føreseieleg måte
• Du er fysisk skikka til arbeidet, som inneber ståande arbeid og handtering av utstyr gjennom arbeidsdagen
• Du bidreg til eit godt arbeidsmiljø gjennom positive haldningar og profesjonell framferd
• Personleg eignaheit vil bli vektlagt
• Vi oppmodar alle kvalifiserte kandidatar til å søkje, og spesielt menn vert oppmoda til å søkje for å fremme kjønnsbalanse

Vi tilbyr

• Ei sentral rolle i pasientsikkerheitsarbeidet ved sjukehuset
• Eit sterkt fagmiljø prega av kompetanse, kvalitet og samarbeid
• Strukturert og rettleidd opplæring gjennom eit eittårig opplæringsprogram med tett fagleg oppfølging
• Hospitering på operasjon
• Gode moglegheiter for vidareutdanning, inkludert fagskule i sterilforsyningsteknikk og smittevern
• Ein seksjon i utvikling, med ny og moderne sterilsentral planlagt ferdigstilt i 2027
• Sterkt tverrfagleg samarbeid på tvers av fagmiljø
• Ein inkluderande arbeidsplass med fokus på samarbeid og gjensidig respekt
• Løn etter gjeldande overeinskomstar
• Medlemskap i offentleg tenestepensjonsordning og gode forsikringsvilkår

Vi ber om at vitnemål, attestar/tenestebevis, fagbrev scannast og lastast opp som vedlegg til søknad/CV.Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir her!

Kontaktinformasjon

Peter Gjelsvik, Seksjonsleiar, peter.rene.kviebakk.gjelsvik@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 5146742578
Stillingsprosent: 100%
Vikariat
Søknadsfrist: 09.08.2026