Avdelingsleiar i Bu- og avlastingstenesta

Om stillinga

Bu- og avlastingstenesta gjer tenester til menneske med utviklingshemming og andre funksjonsnedsettingar. Eininga består av fem bufelleskap, fem bustadar, avlastingstilbod og dagtilbod. Vi gjer tenester til personar i alle aldrar med ulike funksjonsnedsettingar, utviklingshemming, autismespekter diagnosar og samansette utfordringar. Vår målsetting er å bidra til gode dagar ut i frå den einskilde sine eigne føresetnader, ynskjer og behov.

Vi har ledig ei fast stilling som avdelingsleiar. Stillinga vil innebere leiaransvar for bufellesskap/butiltak i eininga.  I eininga vil du bli ein del av leiargruppa som består av fem avdelingsleiarar og einingsleiar. Stillinga er ledig frå 01.01.2026

Vi ser etter ein leiar som brenn for å sikre gode tenester til målgruppa, og som kan trygge, støtte og motivere våre tilsette slik at dei kjenner mestring i sin arbeidskvardag. Som leiar er du oppteken av å skape ein kultur med fokus på eit godt arbeidsmiljø og du har ei høg etisk bevissthet. Du er fagleg dyktig, engasjert, motiverande og ynskjer å ta ansvar for at kvaliteten er i høgsetet.

Vi tilbyr

• Som leiar hos oss vil du møte eit engasjert, humørfylt,  inkluderande og støttande kollegie. Hos oss er det korte linjer og alltid råd å få!
• Varierte utfordringar i samarbeid med ei kompetanserik, positiv og engasjert personalgruppe
• Stort handlingsrom og moglegheit for å påverke utvikling av tenestane
• Tverrfagleg samarbeid med andre einingar og instansar
• Årsløn f.t. 810 000 kr.
• f.t.10 kompensasjonsdagar/ leiarfri dagar per kalenderår jf. lokal avtale. Gode pensjons- og forsikringsvilkår

Kven er du?

Våre tilsette ynskjer seg ein leiar som dei har tillit til, ein som ser deira engasjement og forstår deira utfordringar. Du vil få moglegheit til å vere leiar for flotte personalgrupper med eit høgt engasjement og forplikting til sitt arbeid. Våre tilsette har høg stå-på vilje, og er fleksible i å finne gode løysingar for å bidra til at dei som treng vår hjelp og støtte har gode og opplevingsrike dagar.

Du skaper oppslutning om utvikling og motiverer tilsette i endringsprosessar og har gode samarbeidsevner.

Du trivast med å rettleie andre, tar initiativ og er løysingsorientert.

Personlege eigenskapar vert vektlagt.

Arbeidsoppgåver

• Ansvar for den daglege driften i bustadane 
• Ansvar for rekruttering, opplæring og personaloppfølging
• Oppfølging og kvalitetssikring av det faglege arbeidet i bustadane og sikra at dette er i tråd med gjeldande lov- og avtaleverk
• Økonomistyring i henhold til budsjett, månadleg økonomirapportering med utarbeiding av prognose
• Vere utviklingsorientert og oppteken av å forbetre tenestekvaliteten og utnytte ressursane på ein fleksibel og effektiv måte. Sikre eit godt samarbeid med pårørande og øvrige samarbeidspartnarar
• Sørge for ansvarsgruppemøter/ samarbeidsmøter, iverksetting og oppfølging av faglege tiltak og planar
• Ansvar for internkontroll på tenestestadane
• Andre delegerte oppgåver frå einingsleiar

Kvalifikasjonskrav

• Autorisert vernepleier
• Ynskjeleg med relevant vidareutdanning innan leiing og administrasjon
• Ynskjeleg med leiarerfaring 
• Må ha minimum 5 års erfaring med målgruppa
• Kjennskap til og erfaring med turnusplanlegging samt relevant lov og avtaleverk
• Ynskjeleg med erfaring frå rekruttering og personalarbeid
• Kunnskap og erfaring i utøving av relevant lovverk for tenesta
• God munnleg og skriftleg framstillingsevne
• Gode datakunnskapar er ei føresetnad
• Du må kunne arbeide godt sjølvstendig og i team
• Førerkort kl.B

Anna informasjon

• Tidspunkt for 1.gongs intervju er sett til 14.11 2025
• Dersom du får tilbod om stillinga, må du leggje fram politiattest som ikkje er eldre enn tre månader
• Kommunen har 6 månaders prøvetid ved tilsetjing

Offentleg tenestepensjon

I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide - og livet ut! 

Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar! 

Sjå vår Pensjonsguide for meir informasjon om kva for godar du som tilsett i Osterøy kommune får med deg!