Lærar helse- og oppvekstfag

Har du eit stort fagleg engasjement, og ynskjer å jobbe med tilrettelegging og utvikling av andre si læring innan ditt fagområde? Ørsta vidaregåande skule har vi no ledig inntil 200% faste lærarstillingar innan helse- og oppvekstfag. Som lærar hos oss vert du del av eit variert og inkluderande læringsfellesskap. Her er det mange engasjerte fagfolk som brenn for fagleg utvikling, og for at alle elevane våre skal få det grunnlaget dei treng for å kome seg i gong i arbeidslivet. 

Arbeidsoppgåver

Stillinga er primært knytt til undervisning inn mot vaksne deltakarar ved Ressurssenteret for Søre Sunnmøre innan helse- og oppvekstfag. 

Har du i tillegg kompetanse som er relevant for å undervise innan andre fagområde ved skulen, kan dette vere aktuelt. Ved interne søkarar inn mot vaksenopplæring, kan det verte aktuelt med undervisningsoppgåver i den ordinær opplæringa vår på helse- og oppvekstfag. Her må den som vert tilsett også forvente å få oppgåver knytt til individuell tilpassa opplæring for elevar med særskilde behov, og tilrettelegging for fleirspråklege elevar. 

Skulen har eit sterkt og godt fagmiljø innan helse og oppvekst, som den som blir tilsett vil bli ein del av. Vi forventar at lærarar hos oss deltek aktivt i vidare utvikling av fagmiljøet, og bidreg på eige initiativ inn mot arbeidet. Dette inneber utstrakt samarbeid med andre, både internt og eksternt mot aktuelt arbeidsliv og andre samarbeidspartar. Å legge til rette for praksisnær undervisning og tverrfagleg samarbeid er viktig for oss som yrkesfagleg skule. Vi vektlegg at kandidatar har relevant og oppdatert arbeidserfaring frå praksisfelt. 

Skulen er svært opptatt av at alle elevane våre skal ha eit godt og trygt læringsmiljø, så alle får moglehgheit til å utvikle seg som fagpersonar innan aktuelle yrkesfaglege område. Det å tilrette for eleven si utvikling og læring er eit meiningsfullt og gjevande arbeid. Som kollega ved Ørsta vidaregåande skule vil du verte del av eit arbeidsfellesskap med stor og komplementær kompetanse innan fagleg-pedagogisk arbeid, som du får dra nytte av i eiga utvikling som lærar. Som del av arbeidet vil du også kunne få oppgåver som å vere kontaktlærar.

Kvalifikasjonar

Vi søker deg som har relevant utdanning innan helse- og oppvekstfag, og pedagogisk utdanning. Relevant og oppdatert erfaring frå praksisfeltet vil verte vektlagt.

 

- Relevant utdanning innan helse- eller oppvekstfag. 

- Pedagogisk utdanning.

- Nyare relevant praksis frå pleie/omsorg eller oppvekstfeltet.

- Ønskeleg med erfaring frå organisering av opplæring.

- Kompetanse eller erfaring frå arbeid med fleirspråklege barn/ungdom/vaksne og/eller tilpassa opplæring vert vektlagt. 

 

Personlege eigenskapar

Vi set personlege eigenskapar høgt når vi tilset nytt personale ved skulen. Du må vere omgjengelig, sjølvstendig og ha gode
samarbeidseigenskapar, og kunne ta ansvar for den kollektive utviklinga av fagmiljøet. Du må kunne bruke praksiserfaringane dine til å lage realistiske og praktiske læringsarbeid for deltakarar og elevar. Du må ha gode relasjonsferdigheiter, og høge ambisjonar på vegne av deltakarar og elevar. Du må ha omsorgsevne, og kunne vere ein god rollemodell for deltakarar eller elevar som skal inn i pleie/omsorg eller oppvekst-sektoren. Du må vere ein tydeleg leiar i undervisninga, og som evnar å bygge gode og trygge læringsmiljø.

Vi tilbyr

- Raus organisasjonskultur der vi vil kvarandre vel, ser kvarandre, og bidreg inn mot fellesskapet.
- Stilling med stor grad av fleksibilitet og variasjon mellom arbeidsoppgåver på skule og ute i omsorgssektoren.
- Å kunne jobbe i ein tverrfagleg organisjon med eit breitt kompetansefelt.
- Vere med i eit team i utvikling som skal bidra til kompetanseuvikling i for enkeltdeltakarar og arbeidsliv.
- Kurs og opplæring etter behov.
- Offentleg tenestepensjon, gruppelivsforsikring og ulykkesforsikring.
- Løn etter gjeldande avtaleverk.

 

 

 

 

 

Kontaktinformasjon

Ester Alnes Osnes, Avdelingsleiar VO, 97100834, ester.alnes.osnes@mrfylke.no
Anne Marit Bae, Avdelingsleiar HO, 48126285, anne-marit.bae@mrfylke.no
Bjørnar Sæterås, Rektor, +47 47344491, bjornar.seteras@mrfylke.no

Arbeidsstad

Holmegata 14
6153 ØRSTA

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5069207435
Stillingsprosent: 100%
Fast
Søknadsfrist: 15.03.2026