Vernepleiar i Tilrettelagte tenester- 100% vikariat

Tilrettelagte tenester har ledig 100% vikariat som vernepleiar, med moglegheit for fast tilsetting

Vi gjev tenester til barn, ungdom og vaksne med ulike bistandsbehov, og tenesta er aukande. Tenesta er inne i ein god prosess med endring og fagleg utvikling, og vi søkjer derfor deg som er engasjert og har eit fagleg fokus. Vi er med i innovasjonsprosjektet TØRN, og er med i eit nytt læringsnettverk spesielt retta inn mot denne type teneste. Vi går difor ei spennande tid i møte, med mål om å utvikle tenesta til det beste for tenestemottakarar og tilsette.

Du vil få god anledning til å utvikle både deg sjølv og arbeidsplassen, og du vil bli ein del av eit dyktig vernepleiar-team og eit godt fagmiljø. Vi har eit godt arbeidsmiljø med mange flinke og dedikerte tilsette, der ein får anledning til å utfylle og utfordre kvarandre. Fagadministrativ tid er implementert i turnus.
 Med andre ord er dette ei god muligheit til å vere med på ein spennande prosess! 

Tilrettelagte Tenester har to avdelingar, Brennebakkin og Tingvangtoppen (barneavlastning). Vi har også oppdrag utanom avdelingane i varierande mengde.

Vi søkjer primært deg som har utdanning og autorisasjon som vernepleiar. Søkjarar med annan relevant 3-årig utdanning og relevant erfaring kan bli vurdert.

Vi ser fram til å høyre frå deg!

Arbeidsoppgåver

• Systematisk fagleg oppfølging og rettleiing av kolleger
• Delta i aktuelle brukerretta møter
• Sikre at arbeidet blir utført etter gjeldande lover, regler og prosedyrer
• Utarbeide og følgje opp vedtak etter HOL kap 9 der det er aktuelt
• Utarbeiding av individuell plan, fungere som koordinator i ansvarsgrupper
• Samarbeid med pårørande/verge, spesialisthelseteneste og andre samarbeidspartar 
• Direkte brukerretta miljøterapeutisk arbeid i bustad for menneske med utviklingshemning og ulike bistandsbehov
• Utarbeide og gjennomføre ulike tiltak
• Utarbeide og evaluere rutiner
• Medisinhandtering

Kvalifikasjonar

• Fortrinnsvis utdanning og autorisasjon som vernepleiar
• Andre med relevant 3-årig helsefagleg utdanning og erfaring frå liknande arbeid kan og søke
• Gode norskkunnskapar, skriftleg og munnleg
• Det er ein fordel med gode kunnskapar om systematisk målretta miljøterapeutisk arbeid
• Du må ha førarkort for bil
• Godkjent politiattest må leggjast fram før du startar

Personlege eigenskapar

• Du må vere etisk reflektert, møte alle med respekt og ha brukaren sin sjølvråderett i fokus. Du må gjerne vere ein pådrivar for faglege diskusjoner og etisk refleksjon
• Evne til å jobbe sjølvstendig, ta initiativ og være løysningsorientert
• Vere fleksibel, positiv og ha gode samarbeidsevner 
• Ha engasjement for målgruppa og like ansvar
  
  Vi legg vekt på personleg eignaheit

Vi tilbyr

• Stor moglegheit for å vere med på å utvikle arbeidsplassen og innhaldet i stillinga
• Eit godt arbeidsmiljø med mange fagleg dyktige tilsette som er motiverte for endring 
• Ein arbeidsgjevar som ønskjer å satse på deg dersom du ønskjer fagleg utvikling og påfyll
• Moglegheit for tilpasning og fleksibilitet i stillinga for å imøtekomme din livssituasjon
• Konkurransedyktige vilkår
• Nødvendig opplæring og rettleiing
• God pensjonsordning i KLP
  
  

Kontaktinformasjon

Per Bo Svensson, Tenesteleiar helse og tilrettelagte tenester, +47 92666185

Arbeidsstad

Bygdinvegen 1989
2940 HEGGENES

Nøkkelinformasjon:

Arbeidsgivar: Øystre Slidre kommune

Referansenr.: 5204406152
Stillingsprosent: 100%
Vikar
Søknadsfrist: 29.11.2026