Fagarbeidar tekniske/mekaniske fag

Ørsta vidaregåande skule er den største yrkesfaglege skulen på Søre Sunnmøre, med ca 350 elevar og 80 tilsette, og med ei stolt historie i meir enn 75 år. Vi er opptekne av å gje alle elevar, uansett bakgrunn, ei best mogleg opplæring, og med mål om at alle elevane våre skal finne sin plass i arbeidsliv og samfunn. For å få til dette treng vi støttepersonell rundt det pedagogiske arbeidet. Vi har no ledig ei fast stilling som fagarbeidar innan tekniske/mekaniske fag. Denne fagarbeidarstillinga vil i hovudsak vere knytt til dei tekniske faga våre, og bidra inn mot individuelt tilpassa opplæring og støtte for elevar på desse fagområda. Kan du tenke deg å arbeide med ungdom og fagopplæring, og bidra til at ungdom får eit godt tilrettelagt tilbod for å kome seg vidare i livet, har du no ein sjanse til å få ein meiningsfull jobb, med ulike og varierte oppgåver. Det viktigaste er at du likar å arbeide med ungdom, og at du er interessert i å arbeide godt med elevar med ulik bakgrunn og funksjonsnivå, men du må også kunne samarbeide tett med andre tilsette ved skulen, og med eksterne samarbeidspartnarar. Innan eit par-tre år håpar vi også på at du får ta del i å flytte inn i, og ta i bruk eit nytt flott skule, som del av Ørsta kultur- og kompetansesenter.

Arbeidsoppgåver

Arbeidsoppgåver vil i hovudsak bestå i å følgje opp elevar i opplæringssituasjonar, i nært samarbeid med faglærarar og dei andre i laget rundt elevane våre. Opplæringa vert gitt i teoritimar og på verkstad, og ute i bedrift. Skulen har elevar med svært ulikt funksjonsnivå og behov for støtte, og denne stillinga vil inngå i teamet som bidreg inn mot dei elevane som treng noko ekstra i tillegg til den ordinære opplæringa. Dette kan til dømes vere trening i å meistre kvardagslege aktivitetar, og trene spesielt på del-ferdigheiter innan programområdet.    

Det kan også tilkomme andre arbeidsoppgaver når behov oppstår, det er derfor viktig at søkaren er fleksibel. Skulen er til dømes ute etter personar som kan vere interesserte i å bidra til miljøfremjande tiltak på tvers av avdelingar. Det kan også verte tillagt ansvar for oppfølging og vedlikehald av undervisningsmateriell og anna utstyr skulen eig. I utgangspunktet følgjer ei slik stilling skulen sitt arbeidsår, og med normal arbeidstid på 37,5 timar i veka. Dette utgjer 90% stilling på årsbasis. Men dersom andre oppgåver vert tillagt kan dette samla utgjere ei 100% stilling. 

Kvalifikasjonar

• Fagarbeidar innan tekniske eller mekaniske fag.
• Nyare og oppdatert kompetanse og erfaring innan relevante fagområde blir vektlagt.
• Fagarbeidar med annan relevant kompetanse kan også søke på stillinga.

Personlege eigenskapar

På grunn av arbeisoppgåvene som er skildra for stillinga, vil personleg eignaheit vere svært viktig i denne stillinga.  Eigenskapar som er relevante i ei slik stilling er:

• du er omsorgsfull
• du tek initiativ
• du er fleksibel
• du jobbar sjølvstendig
• du er strukturert
• du er løysingsorientert
• du er god på samarbeid og kommunikasjon.

Du bør også være i stand til å takle uforutsette situasjoner og halde deg fagleg oppdatert for å løyse dei aktuelle arbeidsoppgåvene

Vi tilbyr

- Raus organisasjonskultur der vi vil kvarandre vel, ser kvarandre, og bidreg inn mot fellesskapet. 
- Stilling med variasjon mellom arbeidsoppgåver på skulen og ute i bedrifter.
- Å kunne jobbe i ein tverrfagleg organisasjon med eit breitt kompetansefelt.
- Vere med i eit team i utvikling som skal bidra til kompetanseheving for enkeltdeltakarar og arbeidsliv.
- Kurs og opplæring etter behov.
- Offentleg tenestepensjon, gruppelivsforsikring og ulykkesforsikring gjennom KLP.
- Løn etter gjeldande avtaleverk.

Kontaktinformasjon

Bjørnar Sæterås, Rektor, +47 47344491
Per Tore Måen, Avdelingsleiar TIF, 95418071

Arbeidsstad

Holmegata 14
6153 ØRSTA

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5061464991
Stillingsprosent: 100%
Fast
Startdato: 01.08.2026
Søknadsfrist: 19.03.2026