HR-jurist

Nav fylkeskontor Vestland har det overordna ansvaret for å gjennomføre arbeids- og velferdspolitikken i fylket, og har styringsansvar for ni regionar og ei spesialeining. Fylkeskontoret held til i Bergen og består av om lag 45 tilsette fordelte på fire avdelingar: HR og organisasjon, partnarskap og kommunikasjon, fag og tenester samt økonomi og analyse.

No søkjer vi ein engasjert og fagleg sterk HR‑jurist med juridisk kompetanse og eit ønske om å bidra breitt innan HR‑faget.

I denne rolla blir du ein sentral fagressurs for leiarar i Nav Vestland gjennom rådgiving og støtte i arbeidsrettslege spørsmål. Samstundes blir du ein aktiv del av HR‑teamet, der du samarbeider tett med HR‑rådgivarar og vår andre jurist. Du vil få eit variert arbeidsfelt og bidra i utgreiingar, personalsaker, omstillingsprosessar og utviklingsarbeid ute i organisasjonen.

Som HR‑jurist hos oss får du kombinere juridisk spisskompetanse med praktisk HR‑arbeid i eit tverrfagleg miljø med høg kompetanse innan HR, HMS, leiarstøtte og innovasjon. Du får ein variert arbeidskvardag, gode moglegheiter til å vidareutvikle fagområdet – og høve til å påverke utviklinga av Nav i heile Vestland.

Frå juni flyttar vi inn i nye, moderne lokale i Solheimsviken.

Kva går jobben ut på?

• rettleiing og leiarstøtte i arbeidsrettslege problemstillingar
• rådgiving i personalsaker og omstillingsprosessar
• arbeid med medbestemming, tilsettingssaker, lønn og tariff, konflikthandtering og anna relevant avtaleverk
• handtering av personvernspørsmål på HR‑området
• bidra i formidling, opplæring og kompetanseheving innan HR og arbeidsrett
• delta i varierte HR‑ og personaladministrative oppgåver i HR‑teamet
  

Kva kompetanse er viktig i denne rolla?

Du må ha

• master i rettsvitskap eller juridisk embetseksamen
• nyare erfaring frå arbeid med arbeidsrettslege problemstillingar, som personalsaker, endringsprosessar og omstillingsarbeid
• god formuleringsevne på norsk, både munnleg og skriftleg
• gode digitale ferdigheiter

Det er ein fordel om du har

• kjennskap til lov- og avtaleverk i staten
• erfaring frå arbeid i HR‑funksjon
• kjennskap til Lean-metodikk

Kva ser vi etter hos deg ?

• trivst med formidling og kunnskapsdeling
• evnar å forklare juridiske reglar på ein enkel og forståeleg måte
• har interesse for fagutvikling og held seg oppdatert på eige fagfelt
• kommuniserer godt og samarbeider på tvers av team og fagområde
• strukturert og løysingsorientert med god evne til å veksle mellom operative og strategiske oppgåver 

Kvifor velje oss?

• ei spennande stilling i eit godt arbeidsmiljø prega av høg kompetanse og engasjerte medarbeidarar
• store moglegheiter for fagleg og personleg utvikling
• fleksibel arbeidstid, heimekontorordning og mogelegheit for trening i arbeidstida
• god pensjonsordning, låneordning og forsikringar gjennom Statens pensjonskasse
• stillinga blir plassert i stillingskode1364 seniorrådgivar. Lønsspennet er frå kr. 730 000 til 820 000. For særs kvalifiserte søkarar kan høgare lønn vurderast. 

Les meir om Nav som arbeidsgivar

Kontaktinformasjon

Kathrine Martinsen, Avdelingsdirektør HR og organisasjon, 402 39 734, Kathrine.Martinsen@nav.no

Arbeidssted

Solheimsgaten 7E
5058 Bergen

Nøkkelinformasjon:

Arbeidsgiver: Nav

Referansenr.: 5092132286
Stillingsprosent: 100%
Fast
Søknadsfrist: 15.04.2026