Pedagogiske leiarar i barnehage - 2 x 100 % vikariat

Vang Kommune

Tyinvegen 5161, 2975 Vang i Valdres

Stillingsannonsen er inaktiv.

Om jobben

Stillingstittel: Pedagogiske leiarar i barnehage
Type ansettelse: Vikariat, heltid 100%
Arbeidstid: Dagtid, ukedager
Arbeidsspråk: Norsk
Antall stillinger: 2
Arbeidssted: Hjemmekontor ikke mulig

Vang kommune søkjer etter pedagogiske leiarar i barnehagane Fredheim barnehage og Høre barnehage frå januar 2026, og i første omgang ut juli-2026 med mogleg forlenging. Det er ledig 100 % vikariat i kvar barnehage.

Me ser etter pedagogar som brenn for barna si læring og trivsel! Kommunen satsar sterkt på psykisk helse og livsmeistring, med robuste barn og unge som taklar medgang og motgang.

Kva kan me tilby?

Gode lønsvilkår for pedagogiske leiarar - 10 års tilleggsansiennitet!
Eit inkluderande og engasjert arbeidsmiljø med høgt fagleg fokus
Ein variert kvardag, med mange spennande arbeidsoppgåver
I Vang er det godt å bu! (Sjå oppramsa fordeler nedst i annonsa)
Me kan hjelpe til å ordne bustad
Gode forsikrings - og pensjonsvilkår

Høre barnehage
Høre barnehage ligg flott til i naturskjønne omgjevnadar mellom fjell og skog, og er barnehagen som ligg lengst sør i Vang kommune. Barnehagen er en to-avdelings barnehage på tilsaman 355 m², med eigen gymsal og stort uteområde.
Høre barnehage er fordelt over 3 etasjar, med personalavdeling på toppen, storbarnsavdeling i midten, og småbarnsavdeling i kjellaren.
I Høre barnehage er personalet opptatt av at alle skal ha det bra, og at leik og læring skal vere i fokus. Barnehagen brukar nærmiljøet sitt aktivt, og er mykje på tur i skogen ved gapahuken og i bygda.
Elles trives barnehagen godt på det store uteområdet. På veldig kalde dagar nyttast gjerne tida i gymsalen eller på avdelinga.

Fredheim barnehage
Fredheim barnehage er ein sentrumsbarnehage med gangavstand til biblioteket, kommunehuset, skulen og fleirbrukshallen.
Bygget inneheld to avdelingar. Stor avdeling, Grindagjengen, med plass til 32 barn i alderen 4-6 år, og Hugagløtten som er minste avdeling, med plass til 20 barn i alderen 1-3 år. I Vang er det naturleg å vera mykje ute i vår vakre natur. I Fredheim har vi utedagar for alle årskulla på stor avdeling. På minste avdeling ein dag for 1-3 år. Utedagane går til naturskjønne område i nærleiken av barnehagen, aktivitetsparken ved kommunehuset, Søvelbua, turar langs kongevegen.

Arbeidsoppgåver

Dagleg og overordna administrativt og pedagogisk ansvar
Ansvar for å gjennomføre og synliggjere pedagogisk utvikling
Betrakte barnehagen som heilheit og ha omsorg for alle barn

Kvalifikasjonar

Utdanning som barnehagelærar/førskulelærar
Gjerne med spesialpedagogisk kompetanse og erfaring
Gode norskkunnskapar munnleg og skriftleg

Personlege eigenskapar

Me ser etter deg som

er supermotivert til å arbeide med barn.
er relasjonsbyggar, som er varm, raus, set borna først og ser læring i leik
har gode samarbeids- og kommunikasjonsevnar
er strukturert og endringsvillig
er fleksibel
er lærevillig, trygg og ansvarlig

Personlege eigenskapar og eignaheit for stillinga vil verte vektlagt.

Vi tilbyr

Tilsetjing på ordinære vilkår som gjeld til ei kvar tid i kommunal sektor.
Ved tilsetjing skal gyldig politiattest leverast før oppstart

Kontaktinformasjon

Heidi Lynge Kvale, Barnehagestyrar, 90580529, Heidi.Lynge.Kvale@vang.kommune.no

Arbeidssted

Tyinvegen 5161
2975 Vang i Valdres

Nøkkelinformasjon:

Arbeidsgiver: Vang Kommune

Referansenr.: 5046476880
Stillingsprosent: 100%
Vikar
Søknadsfrist: 04.01.2026

Om bedriften

Vang kommune som arbeidsgjevar:

Ca 290 tilsette fordelt på kommunalområda: Helse og omsorg, Utdanning og kultur, Landbruk og teknisk, og Stab
Den viktigaste ressursen me har er våre tilsette. I Vang kommune gjer me det me kan for at tilsette skal ha det bra på arbeid!
Vang kommune har nynorsk som skriftspråk
Vang kommune er ein tobakksfri arbeidsplass og ein kan ikkje nytte tobakk i betalt arbeidstid.

Å bu i Vang kommune:

Ei storstilt satsing på barn og unge!
Ein kombinert barne - og ungdomsskule, med ca 200 elever. Nyrenovert med heilt ny fleirbrukshall med klatrevegg, basseng etc. Tolærarsystem, slik at det nesten alltid er to lærarar tilstades i klasserommet. Skulen nyttar Vang sin flotte natur mykje, både ved uteskule, faget FRI-NAT (friluftsliv og natur), og spanande utflukter. I Vang er SFO gratis for alle barn!
Vang kommune har to barnehagar, Høre og Fredheim, begge har småbarns og storbarnsavdeling. I Vang er det løpande barnehageopptak (start når det passar dykk!) og barnehagesprisen per barn 1500 kr
Helse og omsorgstenester av god kvalitet
Vang kommune har personalbustadar til leige, med butid opptil 3 år
Byggeklare tomter fleire stadar i kommunen, alle med fantastisk utsikt!
I Vang finn du 2 solide kontorfellesskap, gjer som fleire andre og ta med deg arbeidet til Vang!
Både i Vang og resten av Valdres finn du eit yrande kulturliv, der tradisjon står i høgsete, med blant anna tradisjonsmat, tradisjonsmusikk, tradisjonshandtverk og aktiv stølsdrift. Vang kommune har også ein god kulturskule med stort utval av tradisjonelle og moderne aktivitetar
I Vang står lag, foreiningar og idrett sterkt, her finn du aktivitetar for einkvar smak!
Vang har ein storarta natur som innbyr til friluftsliv sommar som vinter, er du glad i turar, ski, jakt og fiske så er dette staden for deg! Vang blir sagt å ha "vestlandsfjell med austlandsklima", og er ei bygd med landbruk, grundarar, turisme og næringsliv i eit levande og inkluderande bygdesamfunn. I Vang finn du også store delar av Jotunheimen og ikkje minst festivalen Vinjerock
I Vang har dei fleste kort avstand mellom arbeid, barnehage og skule. Her kan du leve eit så roleg eller så aktivt liv som du sjølv ynskjer, i ei distriktskommune med positiv folketalsutvikling
Meir info om korleis det er å bu i Vang og kva som skjer i Vang finn du her på VangiValdres.
Meir info om arbeids - og bumarkedet Valdres finn du på VelgValdres

Vang kommune er oppteken av mangfald og oppmodar kvalifiserte kandidatar til å søke uansett alder, kjønn, funksjonsevne eller kulturell bakgrunn.

Me gjer merksam på at søkjarar kan få sitt namn gjort offentleg i søkjarlista, sjølv om det er bedt om konfidensiell behandling. Du som søkjar vil i tilfelle bli varsla på førehand om det.