Fastlege Hatlestrand Helsesenter

Fastlege ved Hatlestrand Helsesenter – Solo-praksis med livskvalitet i fokus.

Draumar du om å kombinere faglege utfordringar med naturskjønne omgjevnader? Hatlestrand Helsesenter søkjer ein engasjert allmennlegespesialist til ei etablert liste på om lag 750 pasientar – med moglegheit for oppjustering. Her får du fridomen til å driva eiga praksis som sjølvstendig næringsdrivande, samstundes som du blir ein viktig del av lokalsamfunnet.

Kvinnherad kommune har vel 13.100 innbyggjarar. Kommunen ligg mellom Bergen, Haugesund og Odda. Kommunen har i mange år hatt ei god og stabil legedekning. For tida har vi 18 fastlegar i kurativ teneste, både med private avtaleheimlar og tilsett i kommunen med fastløn og %-andel av pasientinntekter. I tillegg har kommunen ein stilling for LIS1, 3 sjukeheimslegar i totalt 210% stilling og kommuneoverlege i 100 % stilling. Offentlege oppgåver ved helsestasjonar, i eldreomsorga og rettleiande tenester ellers er fordelt slik at fleire av legane har 8 - 20 % stilling til offentleg allmennlegeteneste. Fastlegar i Kvinnherad nyttar Infodoc Plenario i SKY journalsystem, er knytt til Norsk Helsenett og har elektronisk meldingsutveksling med pleie- og omsorgstenesta. Kvinnherad kommune er registrert utdanningsvirksomhet i allmennmedisin.

Kvinnherad er ein vidstrakt kommune. Legane er fordelt på fire legekontor. Det er eit godt fagleg og kollegialt fellesskap i legegruppa, god vegleiing og bakvaktordning i forhold til legevakt, godt samarbeid og samtrening med lokal ambulanseteneste. Vaktordninga er for tida 14-delt. Kvinnherad legevakt er bemanna med sjukepleiar på kveldstid og helgedagar. Kvinnherad legevakt ligg vegg i vegg med ambulansestasjon.

Kommunen har etablert ein Frisklivsentralen og har tilsett folkehelsekoordinator.

Alle sjølvstendig næringsdrivande fastlegar har økonomisk samarbeid og driftsavtale med kommunen. Dette inneber m.a. at kommunen held lokale, tilset og har arbeidsgjevaransvar for hjelpepersonell i forholdstal 1 hjelpepersonell per 1000 listepasientar.

Dersom du kan tenkja deg å prøva deg som fastlege i Kvinnherad, oppmodar vi deg til å søkja/ta kontakt. Det er ingen «goodwill» knytt til heimelen.

• Naturopplevingar rett utanfor døra: fjord, fjell og friluftsliv i Hardanger.
• Fleksibilitet og sjølvstende: du styrer din eigen kvardag.
• God støtte: sjukepleiar til stades 3 dagar per veke.
• Godt samarbeid med kommunen.

• Norsk autorisasjon og spesialist i allmennmedisin.
• For søkjarar med anna utdanning enn norsk, krevst dokumenterte språkkunnskapar tilsvarande B2.
• Det må leggjast fram politiattest ved tilsetjing.
• Oppfyller krava for å søkje refusjonsrett hjå Helfo.

• Har interesse for allmennmedisin.
• Er fagleg dyktig, positiv og serviceinnstilt.
• Har evne til å arbeide sjølvstendig.
• Har evne og interesse for samhandling og tverrfagleg samarbeid.

• Utøvande legetenester som fastlege i samsvar med lovverket.
• Deltaking i kommunal legevakt etter gjeldande avtalar.
• Kollegial fråværsdekning.
• Det er tilplikta offentlege oppgåver til stillinga helsestasjonslege på 4%

• Gode vilkår for fagleg utvikling og rettleiing.
• Eit godt tverrfagleg og sosialt miljø.
• Gode forsikrings- og pensjonsordningar.

Søkjar bør ha førarkort.

Kvinnherad kommune hjelper til med å skaffe bustad, og flytting blir betalt etter gjeldande reglar.

Kommuneoverlege Glenn A. Opland tlf. 977 09 308

Einingsleiar Irina Zimina tlf. 488 94 055

Bruk elektronisk søknadsskjema, det finn du under ledige stillingar på Kvinnherad kommune si heimeside: www.kvinnherad.kommune.no