Helsefagarbeidar 100% fast stilling Heimetenester Ølve

 Er du ein helsefagarbeidar med hjarte for eldreomsorg og har lyst til å bli ein del av vår flotte gjeng med kompetente fagfolk? Vi søker deg som brenn for profesjonell og verdig eldreomsorg.

Årsturnus, 2 -delt turnus. Arbeid ute og i bustader med heildøgnsomsorg.

Velferdsteknologi er ein del av vår kvardag, og vi held på med prosjekt "kamerabasert tilsyn".

Kvinnherad kommune er med i ordninga der du kan få sletta kr. 25.000, pr. år av studiegjelda di. Du kan få sletta lån kvart år til det er nedbetalt: Sletting av studielån – no startar oppteninga - regjeringen.no

 I Kvinnherad får du mykje meir enn ein jobb:

• Billig barnehageplass – berre 500 kr/mnd
• Gratis SFO (fram til 3. klasse)
• Mange flotte skular og barnehagar rundt om i kommunen. Hatlestrand skule er 1-10 skule og har heildagskule og i Ølve har vi Ølve montessoriskule, 1-7 skule. På Hatlestrand har vi Strand-Ulv hallen med aktiviteter for store og små samt innomhus basseng. Både i Ølve og på Hatlestrand har vi flotte uteanlegg med sandvolleyball og fotballbane. Det er barnehagar både på Hatlestrand, Ølve og Varaldsøy. Les meir på kvinnherad.kommune.no
• Trygt og godt oppvekstmiljø for barn og unge
• Du får natur i verdsklasse, fjord, fjell og frisk luft rett utanfor døra

Vi derimot… manglar deg!

 Arbeidsoppgåver: 

• Utøva helsefaglege oppgåver i tråd med lovverk, rutinar og kvalitetskrav
• Heilheitleg omsorg og pleie
• Samarbeid med pasient, pårørande, avdelingsleiar og særs tett samarbeid med kollegaer på avdeling
• Dokumentasjon av tenestane vi yt
• Legemiddelhandtering
• Rettleie kollegaer, studentar og skuleelevar

 Kvalifikasjonar:

• Norsk autorisasjon som helsefagarbeidar
• Norskkunnskap, skriftleg og munnleg

 Personlege eigenskaper:

• Du må vera fleksibel og løysingsorientert.
• Ha gode evner til kommunikasjon
• Kunne arbeida sjølvstendig og samarbeida med andre
• Ha førarkort
• Positiv

 Ved tilsetjing vert det lagt vekt på tidlegare arbeidserfaring og personlege eigenskapar.

 Vi tilbyr

• Tilsetjing skjer etter gjeldande vilkår for kommunale arbeidstakarar i samsvar med HTA og AML.
• Pensjonsordning, ulykkes- og gruppelivsforsikring gjennom KLP.
• Gode arbeidstilhøve i eit godt arbeidsmiljø.
• Dekning av flytteutgifter etter nærare reglar.
• Bur du i Kvinnherad og er i jobb, kan du etter eitt år få sletta 25 000 kroner av studielånet.
• Ingen eigedomsskatt pr idag for hus, hytter og næring.
• Gratis SFO og søskenmoderasjon i barnehagen.
• Arbeidstøy

Meir informasjon om den flotte regionen vår finn du her: Sunnhordlandslivet (buisunnhordland.no)

Gyldig politiattest må framleggjast der det er påkrevd.