Ferievikarar - inntil 100%

Vil du bli sommarvikar på Bruli?
Har du lyst på ein meiningsfull sommarjobb der du gjer ein forskjell for andre? Då kan Bruli bufellesskap vera rette staden for deg!
Me leitar etter engasjerte sommervikarar som ønskjer å jobba med menneske – enten du er ferdig utdanna, student eller elev. Dette er ei flott moglegheit til å få verdifull erfaring innan psykisk helse og rus, og samstundes utvikle deg fagleg og personleg.

Bruli bufellesskap har sju bueiningar der kvar bebuar bur i eigen leilegheit og får tilpassa tenester frå kommunen. Me er opptekne av å skapa tryggleik, forutsigbarheit og gode kvardagar for kvar enkelt – på deira eigne premissar. I tillegg gjev me tenester til nokre brukarar som bur utanfor bufellesskapet.
Hos oss blir du ein viktig del av eit inkluderande og kompetent arbeidsmiljø, med fokus på fagleg utvikling og godt samarbeid.

Arbeidsoppgåver

• Miljøarbeid - gjennom å støtte bebuarar i å meistre eigen kvardag, bidra til struktur, trivsel og gode opplevingar
• Praktisk bistand i leilegheitene - som matlaging, rydding, hygiene, reinhald og andre daglege oppgåver der dette er ein del av tenesta
• Praktiske oppgåver i avdelinga - praktiske gjeremål som å halde orden i fellesareal, førebu felles måltid på laurdagar og andre helsefaglege oppgåver
• Gjennomføre gåturar, handleturar eller andre små aktivitetar i nærmiljøet
• Medikamenthandtering - dele ut medisin i tråd med gjeldande rutinar
• Dokumentasjon i journal

 

Kvalifikasjonar

• Du er sjukepleiar, vernepleiar eller har anna relevant høgskuleutdanning
• Du har fagbrev som helsefagarbeidar eller har anna relevant fagutdanning
• Du er elev/student innan helse- eller sosialfag og ynskjer arbeidserfaring
• Du er ufaglært, men har erfaring/interesse for arbeid med å bistå mennesker med sammensatte behov
• Du har gode munnlege- og skriftlege norskkunnskapar (tilsvarande nivå B2)
• Du har digital kompetanse
• Du har førarkort for bil - kl. B (ikkje krav for å søkje stillinga)
• Politiattest må leggast fram før tilsetting

 

 

Personlege eigenskapar

• Du er påliteleg, arbeidsom og sjølvstendig
• Du har evne til å skape gode, trygge relasjonar til både brukarar, pårørande og kollegaer
• Du har gode samarbeidsevner og er ein positiv lagspelar som bidreg til eit inkluderande arbeidsmiljø
• Du tar initiativ og ynskjer å lære
• Du har interesse for menneskje med samansette behov
• Du snakkar og forstår norsk godt
  

Vi tilbyr

• Eit godt fagmiljø med engasjerte kollegaer
• Utfordrande, spennande og varierande arbeidsoppgåver
• God forsikrings- og pensjonsordning

Bonusordning for sommarferievikarar
Me tilbyr ein sommarbonus på kr. 22 000. Du får bonusen dersom du arbeider meir enn 75 % stilling, er med oss minst seks veker i sommerperioden  26–33, og jobbar halvparten av helgene.

Bonusen blir utbetalt saman med siste løn – ein fin start på hausten!

Opplæring blir avtalt med kvar enkelt ferievikar. Aktuelle kandidatar blir kontakta fortløpande etter søknadsfristen. Du må levere vitnemål og attestar.
Du må seie kva for veker i perioden du kan jobbe. Søkjarar som kan jobbe 6-8 veker blir prioritert, og du må rekne med å arbeide annankvar helg.

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Kyrre Saupstad, Verksemdsleiar psykisk helse og rus, +47 46618242, kyrre.saupstad@vinje.kommune.no

Arbeidsstad

Vinjevegen 192
3890 

Nøkkelinformasjon:

Arbeidsgivar: Vinje kommune

Referansenr.: 5070265578
Stillingsprosent: 100%
Fast
Søknadsfrist: 08.03.2026