Brannkonstablar

Me søkjer brannkonstablar til Kvam brann- og redningsvesen

• 1 fast stilling ledig frå snarast og 1 vikarstilling ledig frå 01.08.2026 - 31.07.2027
• Begge stillingane er for tida ved Oma brannstasjon

Kvam brann- og redningsvesen er organisert med deltidspersonell knytt til brannstasjonane i Norheimsund, Oma og Ålvik. 

Som brannkonstabel vert du ein del av beredskapen i lokalsamfunnet og bidreg til tryggleik for innbyggjarane i ditt eige nærområde.

Les meir om oss her:Kvam brann- og redningsvesen

Arbeidsoppgåver

Som brannkonstabel vil du mellom anna: 

• delta på utrykking som ein del av ein innsatsstyrke ved brann- og redningsoppdrag
• delta i øvingar og kurs for å oppretthalda og utvikla eigen og etaten sin faglege kompetanse
• bidra til å halda beredskapen operativ gjennom vedlikhald av utstyr og køyretøy
• delta i førebyggjande- og informasjonsarbeid 
• bidra til godt samvirke med andre naudetatar og samarbeidspartnarar
• halda deg oppdatert på lokalkunnskap og framkomelegheit i innsatsområdet
• representera Kvam brann- og redningsvesen på ein god og tillitvekkjande måte.
  

Kvalifikasjonar

Me søker personar som:

• har bestått vidaregåande utdanning på fagarbeidarnivå, eller har minst tre års relevant yrkeserfaring frå praktiske fag
• bur i same bygda som brannstasjonen ligg i. Det er ein fordel om du også har ditt daglege arbeid i området
• kan møta på brannstasjonen innan den innsatstida som gjeld for stasjonen
• kan leggja fram dokumentert løyve frå arbeidsgjevar til å delta i brann- og redningsvesenet
• er villig til å gjennomføra den opplæringa som vert stilt krav om i stillinga
• har god fysisk og psykisk helse. Det vert stilt fysiske krav til tenesta som må oppfyllast
• kan leggja fram tilfredsstillande helseattest, også for røykdykking
• kan arbeida i høgda og i tronge rom som ein del av dei operative oppgåvene i brann- og redningsvesenet
• er symjedyktig
• har førarkort klasse B og har hatt dette samanhengande i minst to år
• har plettfri vandel
• Utvida politiattest må leggast fram før tilsetjing
•  beherskar norsk skriftleg og munnleg

Det er ein fordel om du:

• har førarkort klasse C. Dersom du ikkje har dette, må du vera villig til å tileigna deg dette
• har arbeid eller bustad i nærleiken av Oma brannstasjon
  

 

• Naudsynt opplæring er eit sentralt krav. Søkar må difor vera førebudd på å be om fri eller permisjon frå hovudarbeidsgjevar for å gjennomføra delar av opplæringa.
• Stillinga stiller krav til fysisk kapasitet, og søkjarar må vera førebudde på å trena og oppretthalda fysisk form for å kunne stå i operativ teneste, inkludert røykdykking og krevjande oppgåver i tenesta

Personlege eigenskapar

Me legg vekt på at du:

• har gode samarbeidsevner, er tilpassingsdyktig og bidreg til eit godt arbeidsmiljø og god lagånd
• fungerer godt i eit lite team der tillit, samhandling og gjensidig støtte er avgjerande
• er praktisk, løysingsorientert og tek ansvar når situasjonen krev det
• er lærevillig og motivert for kontinuerleg fagleg utvikling
• er oppteken av HMS og føl instruksjonar og prosedyrar
• har eit roleg vesen og evne til rasjonelle vurderingar i stressa situasjonar
  
• møter andre med respekt, openheit og gode haldningar
• er serviceinnstilt, raus og inkluderande

Personlege eigenskapar vil bli vektlagde ved tilsetjing.

Me tilbyr

• ei spannande stilling med utfordrande og varierte arbeidsoppgåver 
• løn etter gjeldande tariffavtale og lokalt lønssystem
• eit godt arbeidsmiljø

Mangfald

Kvam brann- og redningsvesen ønskjer eit større mangfald blant tilsette og oppmodar særleg kvinner og personar med ulik bakgrunn til å søkja. Kvalifiserte kandidatar vert vurderte uavhengig av kjønn, alder, kulturell bakgrunn eller etnisk opphav.

Generell informasjon
Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.

Kontaktinformasjon

Torleif Ones, Leiar Kvam brann og redning, +47 901 46 975

Arbeidsstad

Omavegen 236
5632 Omastrand

Nøkkelinformasjon:

Arbeidsgivar: Kvam herad

Referansenr.: 5088346380
Stillingsprosent: 1,92%
Fast, Vikar
Søknadsfrist: 08.04.2026