Kontaktperson HAFS barnevernteneste

HAFS barnevernteneste jobbar for å finne gode løysingar for barn og føresette i Hyllestad, Askvoll, Fjaler og Solund, og vi har no ledig ei 100 % fast stilling som kontaktperson frå snarast. Eininga har ti stillingar med engasjerte medarbeidarar som samarbeider om å løyse utfordringar og sjå moglegheiter til det beste for barn og familiar i regionen.

No søker vi etter deg som trur på barn og foreldre sine ibuande ressursar og ønsker å hjelpe dei i vanskelege livssituasjonar. Du vil ha kontor i Dale i nye, hyggelege lokale. Her jobbar du i eit tverrfagleg team med låg terskel for å søke støtte og råd hos kollegaene. Vi har eit godt og inkluderande arbeidsmiljø, og tek gjerne eit kjapt møte i sofaen for å drøfte ulike problemstillingar.

Varierte og givande arbeidsoppgåver

Dei tilsette arbeider med alle delar av barnevernfaget: undersøking, tiltaksarbeid og barn under omsorg etter barnevernlova. Vi ser etter deg som har eit ekte engasjement for menneske og ikkje er redd for å stå i krevjande situasjonar. Du gler deg over "dei små stega" og er god til å skape tillit og relasjonar. Vi vektlegg å møte barn, familiar og samarbeidspartar der dei høyrer til, noko som betyr ein del reiseverksemd i arbeidet.

Sjansen til å utvikle deg

Du vil få interessante og faglege utfordringar og sjanse til å utvikle deg. Drøftingar internt og eksternt er med på å halde oss orienterte på det som skjer i fagfeltet, noko som er viktig for å gi rett hjelp til riktig tid. Vi legg til rette for vidareutdanning og kurs innan barnevernsfeltet.

Arbeidsoppgåver

• sakshandsaming etter barnevernslova 
• undersøkingsarbeid etter barnevernlova
• direkte tiltaksarbeid med born og foreldre
• fosterheimsoppfølging
• samarbeid med andre instansar
• arbeid med akutte situasjonar/kriser
• oppfølging av oppdragstakarar i tiltak

Noko kvelds- og helgejobbing må påreknast

Kvalifikasjonar

• Utdanning som barnevernpedagog eller sosionom
• Rettleiingskompetanse er ønskjeleg
• Førarkort klasse B
• god norsk munnleg og skriftleg framstillingsevne
• godkjend politi- og tuberkulinattest må leggast fram før tiltreding

Personlege eigenskapar

• raus, audmjuk og omgjengeleg
• gode kommunikasjons- og samarbeidsevner
• kan arbeide sjølvstendig, er fleksibel og har pågangsmot 
• jobbar strukturert

Vi legg vekt på at du er personleg eigna til stillinga

Vi tilbyr

• løn etter kvalifikasjonar og ansiennitet
• 50 000,- alltid på topp tillegg for høgskuleutdanna
• fleksibel arbeidstid 
• gode pensjonsordningar og rabatterte forsikringar i KLP
  
  

Om du vil vere ein del av eit inkluderande arbeidsmiljø med stort engasjement for barn og familiar, håpar vi å høyre frå deg.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for unntak frå offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.