Pedagogisk-psykologisk rådgjevar 100 % fast stilling

Vil du vere med og skape eit inkluderande og læringsfremjande miljø for barn og unge? Vi søkjer ein engasjert og fagleg sterk PP-rådgjevar til Pedagogisk-psykologisk teneste for Ytre Sogn- og Sunnfjord.

PPT for ytre Sogn og -Sunnfjord er ei interkommunal teneste for kommunane, Askvoll, Fjaler, Hyllestad, Høyanger og Solund. Fjaler er vertskommune og stillinga medfører arbeid i samtlege av tenesta sine kommunar. Tilsaman har vi 31 skular og barnehagar i kommunane. Kontoret vårt har tilsaman åtte stillingsheimlar. Kontorstad er Dale i Sunnfjord.

Arbeidsoppgåver

• utgreiing og sakkunnig vurdering av barn, elevar og vaksne med behov for spesialpedagogisk hjelp eller individuell tilrettelagd opplæring
• rådgjeving og rettleiing til føresette, barnehagar og skular
• deltaking i tverrfagleg samarbeid og systemretta arbeid
• bidra til utviklingsarbeid i tenesta og i samarbeid med andre instansar
  
  

Kvalifikasjonar

• høgare utdanning på masternivå innan spesialpedagogikk
• dersom manglande master, må søkjar vere villig til å skaffe seg slik utdanning
• har ein ikkje testkompetanse må ein vere villig til å ta dette   
• ynskje om ei brei og nyare praksis- og skulerfaring frå arbeid i skule
• oppdatert på regelverk og lovar
• erfaring frå PP- tenesta knytt til utgreiing, sakkyndig arbeid og rettleiing er eit ynskje
• gode kommunikasjons- og samarbeidsevner
• god norsk munnleg og skriftleg framstillingsevne 
• evne til å arbeide sjølvstendig og strukturert
• du må ha førarkort, klasse B. Tenestebil vert nytta i tenesta

Vi legg vekt på at du er personleg egna til stillinga.

Vi tilbyr

• eit utviklingsorientert og fagleg sterkt arbeidsmiljø
• varierte og spennande arbeidsoppgåver
• gode moglegheiter for fagleg påfyll
• støtte til vidareutdanning og spesialisering for fast tilsette etter retningslinjer for tenesta/kommunen
• løns- og arbeidsvilkår etter gjeldande avtalar
• god pensjonsordning gjennom KLP
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.