Sommarjobb i pleie og omsorg

Om stillinga

Er du sjukepleiar, vernepleiar, helsefagarbeidar, helsefagleg student eller pleiemedarbeidar, og på jakt etter sommarjobb i pleie og omsorg? 
Likar du å arbeide med menneske og vil ha ein sommarjobb som betyr mykje for andre? Då har me jobben for deg!     

Me trenger vikarar til samnangerheimen, Heimetenesta, kjøkken, praktisk bistand, vaskeri og Skottabakken.                                   

Du får ein meiningsfull sommarjobb med varierte arbeidsoppgåver og nyttig arbeidserfaring. Du vil samarbeida med og læra mykje av erfarne og dyktige kollegaer. 

Sommarvikarane våre får felles opplæring før tiltreding og individuell opplæring på arbeidsstaden.

 

NB! Me prioriterer etter kvalifikasjonar og dei som vil arbeida samanhengande 5 veker eller meir.
Skriv i søknaden kva periode du er tilgjengeleg og kan tenkje deg å jobbe. 

Me oppfordrar studentar, elevar og dei med erfaring frå pleie og omsorg til å søkja. 

Arbeidsoppgåver

Samangerheimen, heimetenessta og Skottabakken

• Du vil få dyktige kollegaer frå ulike faggrupper. Anten du likar å arbeide sjølvstendig, i team, har omsorgsblikket, arbeid innan rehabilitering eller liker å arbeide personsentrert - me har jobben for deg. Arbeidsoppgaver vil variere utifrå kompetanse og erfaring og kan inkludera: 
• Gje støtte og rettleiing til brukar og pårørande 
• Omsorg og pleie 
• Aktivisering og praktisk hjelp
• Dokumentasjon på data
• Sjukepleieprosedyrar
• Vere sosial saman med pasientar
• Enkle oppgåver i avdelinga

 

Produksjonsjøkken: 

Laga lunsj og middag til pasientane på Samnangerheimen, dagsenter og heimetensta. 

Avdelingskjøkken: 

Lage frukost og kvelds til pasientar på Samnangerheimen. Mellomåltid. Reinhald. Opprydding m.m

Vaskeri:

Ansvar for vask av pasient klede tre dagar i veka. 

Praktisk bistand:

Utføra reinhald hos heimebuande i heimetenesta. 

Kvalifikasjonar

Krav

• God munnleg og skriftleg framstillingsevne på norsk  
• Som sjukepleiar, vernepleiar eller helsefagarbeidar: Norsk autorisasjon 
• Førarkort klasse B er ein fordel, men ikkje eit krav
• Må ha gyldig politiattest. 
• Du må vera fylt 18 år. Unnataket er dersom du er under 18 år og går Vg2 Helsefag. Du kan som under 18 år, søkja på ung jobb i Samnanger

Personlege eigenskapar

• Pasientorientert og serviceinnstilt 
• Praktisk og fleksibel 
• Sjølvstendig og stå-på-vilje 
• God på kommunikasjon 
• Er ivrig og lærevillig 
• Likar utfordringar i arbeidet
• Møte andre menneske på ein respektfull og open måte
• Må ha gyldig politiattest

Me tilbyr

• Ein meiningsfull sommarjobb
• Verdifull og nyttig arbeidserfaring
• Stillingsbrøk frå ca 70 - 100 % i perioden
• Tenestebevis for arbeidet

• Eit fagleg miljø med utfordrande oppgåver, gode moglegheiter for fagleg og personleg utvikling og høve til å vera med å forme ein kommune i positiv utvikling og vekst
• Lønn, offentleg pensjon og arbeidsvilkår etter gjeldande lov- og avtaleverk
• Gunstige pensjonsordningar, yrkesskade- og gruppelivsforsikring
• Fleksible arbeidstidsordningar
• Gode velferdsordningar

Arbeidstilhøve

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hjå oss uansett alder, funksjonsevne, kjønn eller minoritetsbakgrunn. All utanlandsk utdanning må vera NOKUT godkjent. Me legg vekt på å leggja til rette arbeidsforholda dersom du har behov for det. 

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.
Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort, og vil ha moglegheit til å trekkja søknaden. 

Som tilsett i Samnanger kommune vil du bli innmeldt i KLP si pensjonsordning. KLP tilbyr pensjon, bank og forsikringstenester og er Norges største pensjonsselskap. Ordninga dekker alderspensjonar, AFP, uførepensjon, etterlattepensjon, yrkesskade- og gruppelivsforsikring.

Søknadar må leverast innan fristen og må sendast inn via rekrutteringssystemet vårt JobbNorge.