Førsteamanuensis (100 %) i krisepsykologi

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video: https://youtu.be/M5n6RnScNgA

Førsteamanuensis

 

Om stillinga: Ved Senter for krisepsykologi, Det psykologiske fakultet, er det ledig ei fast 100 % stilling som førsteamanuensis i psykologi/helsefag. Vi ser etter deg som har kompetanse innanfor krisepsykologi, inkludert klinisk erfaring, utdanning og forsking. 

Om senteret: Senter for krisepsykologi blei etablert i 2017 som ei sjølvstendig eining. Senteret si verksemd er retta mot forsking, utdanning og formidling innan krisepsykologi, med satsing på hovudområda kriser og traume, sorg og alvorleg somatisk sjukdom. Senteret har samarbeid med ei rekkje nasjonale og internasjonale partnarar og har ekstern finansiering av fleire forskingsprosjekt. Senteret har etablert og driv eit masterprogram i krisepsykologi. 

Arbeidsoppgåver/forskingsområde:

• Samarbeide med dei tilsette ved senteret om forsking og undervisning innan våre fagområde 
• Delta i arbeidet med å vedlikehalde og utvikle undervisningsemne 
• Undervise, rettleie og følgje opp studentar på masterprogrammet 
• Delta i utvikling av søknader om finansiering av forsking og utdanning 
• Drive aktiv forsking innan fagfeltet, med partnarar i Noreg og andre land – særleg utviklingsland 
• Delta i publisering, formidling og fagleg-administrativt arbeid 
• Rettleie studentar, stipendiatar og forskarar innan eige fagområde 

Kvalifikasjonar og eigenskapar:

Du må ha:

• doktorgrad i psykologi eller helsefag med relevans for krisepsykologi og dei nemnde emna
• dokumentert kompetanse innan minst eitt av våre fagområde
• erfaring frå undervisning og rettleiing på universitets- og høgskulenivå innan minst eitt av våre fagområde
• utdanningsfagleg kompetanse, det vil seie pedagogisk eller didaktisk kompetanse til å fremje læring, mellom anna kunnskap og ferdigheiter i utvikling og gjennomføring av undervisning og rettleiing på universitets- og høgskulenivå*
• evne til å arbeide sjølvstendig og strukturert, og gode samarbeidsevner 
• språkkompetanse til å kunne undervise på norsk eller anna skandinavisk språk ved tilsetjing. Undervisningsspråket er norsk. Det blir kravd at den som blir tilsett har ferdigheiter i norsk eller eit anna skandinavisk språk på minst nivå B2.

*Utdanningsfagleg kompetanse er eit krav for stillinga, sjå «Regler for vurdering av utdanningsfaglig kompetanse ved UiB». Dersom den som blir tilsett ikkje kan dokumentere tilstrekkeleg utdanningsfagleg kompetanse ved tilsetting, må krava vere oppfylte innan to år.

 

Du bør ha: 

• klinisk erfaring innan krisepsykologi og fagområda våre 
• brei erfaring innan krise- og katastrofeintervensjon, og innan undervisning/rettleiing i nasjonale og internasjonale settingar 
• erfaring med utgreiing, dokumentasjon og formidling til myndigheiter, verksemder og publikum nasjonalt og internasjonalt 
• publikasjonar på høgt internasjonalt nivå 
• erfaring med prosjektutvikling og søknader om ekstern finansiering av forskings-, utdannings- og innovasjonsprosjekt 
• forskingsadministrativ erfaring, samt erfaring med vurdering og fagfellevurdering 

UiB er underlagt regelverket for eksportkontroll, og dette gjeld ved behandling av søknader til stillinga. Dersom UiB ikkje har mottatt svar på søknad om eksportlisens innan 12 veker, vil eit eventuelt tilbod om tilsetjing bli annullert.

Vi tilbyr:

• Spennande og utviklande arbeidsoppgåver i et sterkt fagmiljø
• Stilling som førsteamanuensis (kode 1011) i det statlege lønsregulativet. Brutto årslønn i 100 % stilling er frå 757 600 til 770 000 kr.  For særleg kvalifiserte søkjarar kan det vere aktuelt å vurdere høgare løn.
• Medlemskap i Statens pensjonskasse
• Gode velferdsordningar

Søknaden skal innehalde:

• CV
• Vitnemål og attestar
• Namn på og kontaktopplysingar til to referansar 
• Fullstendig publikasjonsliste
• Liste med vedlegg som dokumenterer dine pedagogiske kvalifikasjonar.  Sjå her for nærare informasjon 
• Liste over arbeidserfaring knytt til krisepsykologi 
• Liste over vitskaplege arbeid du ønskjer at vi skal ta omsyn til ved vurderinga, med opplysningar om kvar dei er publisert
• Vitskaplege arbeid du ønskjer at vi skal tak omsyn til ved vurderinga (maksimalt 10)

Du må laste opp søknad og vedlegg, eventuelt med attesterte omsetjingar til engelsk eller eit skandinavisk språk, i Jobbnorge. Vi gjer merksam på at søknaden blir vurdert ut frå informasjonen og vedlegga som er lasta opp når søknadsfristen går ut. Det er søkjaren sitt ansvar å sørgje for at all informasjon er lagt inn innan fristen.

Det er særs viktig at kvart av dei vitskaplege arbeida som skal vurderast vert lasta opp i sin heilskap som vedlegg til søknaden, jamfør siste kulepunkt.

Generell informasjon:

Utfyllande opplysningar om stillinga kan ein få ved å vende seg til: Senterleiar May Aasebø Hauken, telefon: 55 58 46 83/415 49 612

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.