ID 1053 Barne- og ungdomsarbeidar – to vikariat i skule og SFO (62 % og 89 %)

Ønskjer du å jobbe i skule og SFO? Me søkjer ein trygg og tydeleg relasjonsbyggjar.

Rimbareid barne- og ungdomsskule er ein 1-10. skule med om lag 360 elevar. Skulen ligg flott til på Rimbareid i Fitjar kommune med utsikt over store delar av bygda, og står fram som attraktiv med nytt tilbygg, rehabilitert bygningsmasse og oppgradert uteområde.

Rimbareid skule skal vere ein inkluderande skule, der alle kjenner at dei høyrer til. Me strekk oss etter å stimulere elevane si nysgjerrigheit, lærelyst og meistringsglede gjennom tilrettelagt, utforskande og praktisk undervisning.

Stillinga på 89% er i skule og SFO. Ledig frå dags dato og ut året, kan bli forlenga.

Stillinga på 62% er i skule. Ledig frå dags dato fram til skulen tar sommarferie.

Me søkjer etter medarbeidarar som har:

• Fagbrev som barne- og ungdomsarbeidar, eventuelt anna relevant utdanning og erfaring.
• Godt humør og gode kommunikasjons- og samarbeidsevner.
• Evne til å ta initiativ og arbeide målretta og sjølvstendig.

I tillegg til formell utdanning og praksis vert det lagt vekt på personlege eigenskapar.

Løns- og arbeidsvilkår vert i samsvar med gjeldande lover, reglement og tariffavtalar.

Me tilbyr:

• Løns- og arbeidsvilkår i samsvar med gjeldande lover, reglement og tariffavtalar.

• Interessante og utviklande arbeidsoppgåver i eit støttande, triveleg og profesjonelt arbeidsmiljø. Me har fokus på å vidareutvikla ein inkluderande skule.

Me ber om at du skriv i søknaden kva stillingsstorleik du ønskjer

Send inn oppdatert CV og referansar når du søkjer. Godkjente kopiar av vitnemål og attestar vert etterspurt i samband med innkalling til intervju.

Søkjarar må leggja fram politiattest før dei tek til i stillinga, jf. Opplæringslova §17-11