Lege i Nordsjøturnus - svangerskapsvikariat

Svangerskapsvikariat i 100 % for lege i Nordsjøturnus.

Har du lyst til å jobbe to veker på og ha fire veker fri? Då bør du vurdere å søke på stillinga som lege i Fyresdal kommune. Fyresdal kommune har innført Nordsjøturnus og med det også legevaktsordning i eigen kommune.

Vi har tilsett tre legar i Nordsjøturnus som saman delar på ei fastlegeliste og har legevakt i arbeidsperioden sin. Ein av desse legane har svangerskapspermisjon, og vi treng derfor ein vikar som kan starte etter avtale. Vikariatet vil vare t.o.m. 18.01.2027, med moglegheit for endringar. 

Legekontoret er ein del av avdeling helse og ligg i sentrum av Fyresdal. På legekontoret er helsetenestene samla og samarbeider tett til pasientens beste. Legekontoret er godt utstyrt og vi nyttar journalsystemet Infodoc. Det samla fagmiljøet består av kommuneoverlege/fastlege, tre legar i Nordsjøturnus, LIS1-lege, sjukepleiarar, helsestasjon, psykisk helse/rus og fysioterapiteneste. Vi har interkommunale samarbeid i høve til jordmor, Rask Psykisk Helsehjelp, barnevern og psykologteneste. Fyresdal tannklinikk held også til i same bygg.

Arbeidsoppgåver

• Fastlege
• Tilsynslege
• Helsestasjonslege
• Legevaktslege

Kvalifikasjonar

• Norsk autorisasjon som lege
• Gode norskkunnskapar både munnleg og skriftleg
• Gjennomført LIS1 kommunehelsetenesta
  

Personlege eigenskapar

• Gode samarbeids- og kommunikasjonsevner
• Evne til å arbeide sjølvstendig og målretta, men samtidig bidra til tverrfagleg samarbeid
• Evne til å jobbe under press
• Handlekraftig, likar utfordringar, fleksibel og utviklingsorientert

Samansetning av teamet, samt personlege eigenskapar og samarbeidsevner vil bli vektlagt i stor grad.

Den som blir tilsett må ha førarkort og disponere eigen bil.

Vi tilbyr

• Faglege utfordringar i eit godt fagmiljø med gode kollegaer
• Godt arbeidsmiljø
• Fastløn
• Kommunale vilkår, inkludert god pensjonsordning
• Ein jobb i ei inkluderande arbeidslivsbedrift (IA)
• Bustad innreidd etter dagens standard

Kontaktinformasjon

Jenny Kiland, Avdelingsleiar, +47 45228097

Arbeidssted

Landstadvegen 35
3870 Fyresdal

Nøkkelinformasjon:

Arbeidsgiver: Fyresdal kommune

Referansenr.: 5109635879
Stillingsprosent: 100%
Vikar
Startdato: 29.07.2026
Søknadsfrist: 26.04.2026