Kommuneoverlege

Om stillinga

Me søker ein kommuneoverlege i fast 100% stilling som ønsker å vere med og utvikle berekraftige løysingar for framtida. 

Stillinga er delt mellom 50 % kommuneoverlegefunksjon og 50 % klinisk arbeid i kommunal legeverksemd. Me meiner kombinasjonen av systemansvar og klinisk praksis gir styrke til begge rollane. Som kommuneoverlege skal du ha overblikk og innsikt i kvardagen i tenestene. Du vil få strategisk handlingsrom og reell påverknad på prioriteringar og utviklingsprosessar. Stillinga har ei sentral rolle i beredskap og samfunnsmedisinsk arbeid, og me søker ein kommuneoverlege som både forvaltar lovkrav og bidreg aktivt i strategiske vurderingar av tenesta.

Du vil arbeide tett med einingsleiar for legetenesta, og ha medisinskfagleg ansvar for legekontoret, i tillegg til overordna medisinskfagleg ansvar for kommunen.  Nærmaste leiar er kommunalsjef for helse og omsorg. Til dagleg er arbeidsplassen ved Tysnes legekontor, saman med LIS1, tre legar, to sjukepleiarar og ein einingsleiar. 

Me ønsker ein kommuneoverlege som bidreg med perspektiv og som bygger tillit. 

Arbeidsoppgåver

Som kommuneoverlege vil du:

• vere kommunen sin medisinskfaglege rådgjevar.
• ha ansvar for smittevern, beredskap, miljøretta helsevern og folkehelse.
• ha overordna ansvar for kommunens oppgaver som utdanningsvirksomhet i legetjenesten (LIS1 og ALIS).
• bidra i utvikling og prioritering av helsetenester innanfor dei rammene som gjeld for tenesta.
• delta aktivt i arbeid med kvalitet, pasientsikkerheit og fastlegeordning.
• vere ein fagleg sparringspart for leiing og politisk nivå.

Kvalifikasjonar

• Norsk autorisasjon som lege
• Spesialist i allmennmedisin
• Erfaring frå kommune- og/eller spesialisthelsetenesta
• Kjennskap til relevant lov- og avtaleverk innan helse- og omsorgstenesta
• Gode norskkunnskapar både munnleg og skriftleg. Tenestemålet i Tysnes er nynorsk
• Gode digitale ferdigheiter

Ønska kvalifikasjonar:

• Spesialist i samfunnsmedisin
  • Søkarar som ikkje har spesialitet i samfunnsmedisin, må forplikte seg til å gjennomføre spesialisering etter tilsetting.
• Erfaring med rettleiing og opplæring

Ved ei eventuell tilsetjing må du legga fram: Politiattest, jf. helse- og omsorgstenestelova § 5-4. Eigenerklæringsskjema for MRSA og tuberkulose.

Personlege eigenskapar

• Gode kommunikasjon- og samhandlingsferdigheiter
• Evne til å planlegge, prioritere og gjennomføre oppgåver med høg kvalitet og innan gitt frist
• Byggjer gode relasjonar og samarbeider godt på tvers av fagområde, organisasjon og med eksterne aktørar
• Evne til å sette seg inn i nye problemstillingar, ta ansvar og drive prosessar på eige initiativ
• Arbeide systematisk, målretta og effektivt 
• Er praktisk og finner gode løysingar
• Vise til konkrete resultat og bidra til kontinuerlig forbetring

Personlege eigenskapar vert tillagt stor vekt. 

Kvifor skal du jobba hos oss?

Hos oss er vegen frå idé til gjennomføring kort, og du får reell påverknad på utviklinga av tenestene. Du blir del av eit tett og tillitsbasert leiarmiljø, med fleksibel organisering av det kliniske arbeidet. Me vil òg legge til rette for spesialisering i samfunnsmedisin.

Stillinga er plassert i kapittel 5, med lønn etter avtale og årlege forhandlingar. Som tilsett hos oss blir du medlem i KLP, ei av dei tryggaste pensjonsordningane i landet, med solide forsikringsordningar og moglegheit for gunstige lån.

I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom Lånekassen si nye ordning for distriktskommunar. 

Synest du stillinga verkar spennande, eller har du spørsmål? Ta gjerne kontakt med kontaktpersonane som står oppført i annonsen. 

Informasjon til søkar

Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.

Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.

Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.