100% stilling som verksemdsleiar ved Ergo- og fysioterapitenesten

Er du ein leiar som ønskjer å påverke, utvikle og forme gode tenester for framtida?

Ullensvang kommune søkjer ein engasjert og utviklingsorientert verksemdsleiar for Ergo- og fysioterapi, ei samla verksemd som omfattar ergoterapi, fysioterapi, musikkterapi, friskliv og meistring, og det kommunale hjelpemiddellageret. Verksemda har ei sentral rolle i kommunen sitt førebyggjande, rehabiliterande og helsefremjande arbeid, og du får høve til å utvikle eit sterkt tverrfagleg miljø på tvers av fleire lokasjonar.

Ullensvang kommune arbeider for å skape berekraftige, framtidsretta og heilskaplege tenester med brukaren i fokus. Verksemda omfattar ergoterapeutar, fysioterapeutar (kommunale og med driftsavtale), musikkterapeut, og hjelpemiddelteknikarar. Fagpersonane arbeider for å styrkje meistring, deltaking og helse hos innbyggjarane gjennom heile livsløpet. Verksemda samarbeider tett med andre kommunale tenester, fastlegar, spesialisthelsetenesta, og eksterne fagmiljø. Verksemda er i vekst og utvikling, og det kan på sikt verte lagt til andre fagområde eller oppgåver. 

Verksemda har avdelingar i Odda, Kinsarvik/Lofthus, Utne og Jondal, og tenestene omfattar mellom anna: 

• Undersøking, kartlegging og vurdering 

• Individuell og gruppebasert oppfølging

• Habilitering og rehabilitering

• Rådgjeving og rettleiing til brukarar, pårørande og samarbeidspartnarar

• Formidling, tilpassing og vedlikehald av tekniske hjelpemiddel

• Tilrettelegging av bustad og støtte i søknadsprosessar

• Befolkningsretta helsefremjande og førebyggjande tiltak

Arbeidsoppgåver og ansvar

Som verksemdsleiar får du ansvar for drift, utvikling og fagleg retning for heile verksemda. Stillinga er lokalisert i Odda og inngår i leiargruppa for Helse og omsorg. Du vil òg ha fast oppmøte ved dei andre avdelingane i verksemda. Arbeidet omfattar mellom anna: 

• Personal- og økonomiansvar

• Utvikling av mål, strategiar og framtidsretta arbeidsformer

• Sakshandsaming og prioritering i verksemda

• Rettleiing og støtte til medarbeidarar

• Koordinering av kompetanseheving og intern opplæring

• Kvalitetsarbeid og internkontroll i tråd med lovverk og faglege føringar

• Etablering og vidareutvikling av rutinar, struktur og samhandling

• Overordna ansvar for utviklingsprosjekt i verksemda (til dømes musikkterapi)

• Samarbeid med NAV Hjelpemiddelsentralen og andre eksterne fagmiljø

• Bidra i politiske og administrative prosessar gjennom faglege vurderingar og utarbeiding av beslutningsgrunnlag

• Arbeide for eit inkluderande og trygt arbeidsmiljø. 

Kvalifikasjonar 

• Fortrinnsvis offentleg godkjent ergoterapeut eller fysioterapeut. Annan relevant helse- og sosialfagleg høgskuleutdanning kan vera aktuell.

• Fordel med leiarutdanning, eller anna relevant vidareutdanning

• Erfaring som leiar, gjerne med endringsleiing og utviklingsarbeid

• Fordel med erfaring frå kommunale helse- og omsorgstenester

• God kjennskap til relevant lovverk og nasjonale føringar

• Erfaring med systematisk kvalitetsarbeid

• God digital kompetanse. Kommunen nyttar Google, Websak og fagsystema Physica og Aidn. 

• Gode ferdigheiter i norsk både munnleg og skriftleg, minimum B2-nivå

Krav til stillinga

• Politiattest jfr gjeldande lov, nyare enn 3 månader må visast før oppstart

• Førarkort Klasse B

• Dersom du ikkje har leiarutdanning, må du vere villig til å ta ei slik utdanning

Vi søkjer ein leiar som er fagleg engasjert, trygg og tydeleg. Personlege eigenskapar som vert vektlagt i stillinga er mellom anna: 

• Gode kommunikasjons- og samarbeidsevner

• Evne til å ta initiativ og finne løysingar

• Evne til å vere fleksibel og handtere periodar med mykje aktivitet

• Evne til å arbeide sjølvstendig og strukturert, med god gjennomføringsevne

• Evne til å byggje relasjonar og bidra til felles kultur på tvers av fag og lokasjonar

• Profesjonell og positiv tilnærming i møte med brukarar og medarbeidarar

• Motivasjon for utviklingsarbeid og framtidsretta tenesteyting 

Som leiar i Ullensvang kommune forventast det at du utøver leiing i tråd med kommunen sine verdiar: tydeleg og engasjert, inkluderande og lojal, tillitsfull og respektfull, og samskapande både internt og eksternt.

• Løn etter lokal avlønningsmodell for leiarar

• Varierte og spanande arbeidsoppgåver

• Mogelegheit til å påverke og vidareutvikle ei verksemd i vekst

• Gode mogelegheiter for fagleg og personleg utvikling

• Godt arbeidsmiljø

• Avtale om køyregodtgjersle

• Fleksitid

• Ullensvang kommune har inkluderande arbeidsliv (IA) med gode permisjons- og pensjonsordningar

Ullensvang kommune er omfatta av ordninga.

Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.
Forslått fjerna i statsbudsjettet

Til orientering om Offentleglova:

Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.

 
Arbeidsavtalar i Ullensvang kommune:

Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/