Lyst til å vere lærling i SpareBank 1 SMN?

SpareBank 1 SMN har vore ei lærlingbedrift i mange år, og det skal vi halde fram med. Kanskje ilag med deg?

No har vi ledig lærlingplass innan salsfaget eller service- og administrasjonsfaget for deg som vil ta fagbrev gjennom praksis og opplæring i eit triveleg arbeidsmiljø med dyktige kollegaer. Vi har lang erfaring med å følgje opp lærlingar, og kan love deg god opplæring undervegs.

I SpareBank 1 SMN får du ein framtidsretta arbeidsgivar der vi har det siste innan teknologi i samspel med engasjement for staden vi bur på, og som tek mykje samfunnsansvar. Hos oss er det høgt engasjement og kjekke folk som heiar på kvarandre.

**Slik kan arbeidskvardagen vere:**Kvar dag kjem mange kundar innom kontora våre. Som lærling vil du få gleda av å ønskje dei velkomen og sørgje for at vi hjelper dei med det dei treng. Ofte betyr det å gi rettleiing i digitale løysingar. Har kundane meir komplekse spørsmål om privatøkonomien sin, samarbeider du med ein av dei som er ekspertar på feltet.

**Kven passar dette for?**Synes du dette høyrest spanande ut, er det ein strålande start. Om du ivrar for at folk skal bli nøgde, og kanskje har interesse for privatøkonomi, vil dette mest truleg passe deg godt. Eigenskapar som kan vere nyttige å ha med seg, er å vere løysingsorientert og imøtekomande. PC er eit av verktøya du nyttar mest, så det må du vere komfortabel med.

Elles er krava at

• Du har bestått Vg1 og Vg2 og ynskjer ei toårig lærlingperiode, eller har anna relevant bakgrunn. (Er du usikker på kva som er relevant bakgrunn, men har veldig lyst på jobben? Ta kontakt med NAVN, så ser vi på det ilag)

• Du må kunne formulere deg godt munnleg og skriftleg på norsk

Har du lyst å sjekke dette ut nærare, håper vi du tek kontakt med oss -- så skal du få høyre meir om kva det går ut på, og kva vi kan by deg på.

Ikkje nøl med å ta kontakt om du har spørsmål!

Vi gler oss til å høyre frå deg!